Estone, Esthonîe

S. Graco, Krakovie.

et moult de bons chevaliers. Et moult y ot mors des gens de la ville, si que les rues estoient couvertes de gens^ mors. L’evesque de Baieux et le mareschal Bertran son frere se retraistrent en chastel de Caen, car pour lors la ville de Caen n’estoit point fermée.

Comme le roy Edouart ouït desconfit ceulx de Caen, il chevaucha jusquez à Rouen et vint devant la ville vers la Quesnoye, le sixiesme jour d’aoust. Et estoit monseigneur Godefroy de Harecourt guideur, conduiseur et gouverneur de l’ost du dit roy Edouart. A Rouen estoit ja venu le roy Philippe de France le deuxiesme jour d’aoust. Et devant la ville ouït ung pongneys, et alors n’avoit point encoires assemblé le roy Philippe ses hostz. Le roy Edouart se parti o son host de devant Rouen et chevaucha vers Paris et vint au pont de Poissi. Et là le sire d’Aufremont, le sire de Revel et autres chevaliers et la commune d’Aurliens et autres qui gardoient le pont estoient. Maiz Anglois firent ung pont qu’ilz jetteront sur le pont rompu et passeront oultre. Là furent mors ceulx d’Orléans.

Le roy Philippe estoit lors à Paris où il avoit moult grant chevalerie, le roy de Boesme, le roy de Malogres, le duc d’Athenez, le conte d’Alençon son frere, le conte de Flandres, le conte de Harecourt, le duc de Bourbon , le conte [de] Dampmartin , le conte d’Aucerre et trop d’autres, tant barons que chevaliers et escuiers , que c’ estoit merveilles de la belle, noble et grant bachelerie qui fù là assemblée.

Le roy Philippe estoit bien hastif homs. Et pour ce que par aucuns seigneurs que la royne avoit introduiz à parier au roy, car elle nevoulloit que le roy issist ne

qu’il se combatist, le roy ala troiz foiz parmi Paris, disant et criant qu'il estoit trahi, puis parti de Paris. Et ala parsuir le roy d’Angleterre qui s’en aloit en Picardie et passa à la Blanche Taque. Et le roy Philippe le parsuivy et ataint à la valée de Cressi. Là fu le roy Philippe trop hastif et ne voult croire conseil ; ains couru sus au roy d’Angleterre qui avoit ordonné par monseigneur Godefroy de Harecourt trois batailles, dont Edquart, ainsné filz du roy d’Angleterre, qui estoit prince de Galles, out la première bataille, le conte de Uncole et le conte de Glocestre ourent la seconde, et la tierce ouït Edouart, roy d’Angleterre.

Le roy Philippe commanda que lesGenenois assemblassent, maiz ilz furent tantost desconfis et prinstrent à fuire vers les François qui ochirent les Genenois. Et lors le roy Philippe assembla aux Angloiz et là out très fort estour et merveilleuse bataille. Les Anglois archiers furent du premier embuschiésde les les haies et par leur trait occistrent moult de chevaulx et de gens. Et en ce jour fut l’occision des gens par les chevaulx. Car comme les François se cuidoient rengier, leurs chevaulx cheoient mors. Que vous yroie la matière prolongant ? Par hastiveté et desarroy furent les François desconfiz. Le roy Philippe en sa hastiveté se porta celui joiu" comme très bon chevalier et y fit merveilles d’armes, mais fortune tourna contre lui.

En ceste bataille mourut le roy de Boesme, pere de l’empereur, le duc de Lorraine, le conte de Blois, le conte de Sancerre, le conte d’Alençon, le conte de Flandres, le conte de Harecourt et moult grant quantité de grans seigneurs. Et du peuple y mourut

une très grant multitude. Mais le roy Philippe se combati jusques à la nuit, ne oncques celui jour ne perdi le roy Philippe le champ. Et quant vint sur la nuit, par conseil il se retraist à Amiens. Et le roy Edouart se retraist ou champ ou il gaigna la despouille comme vainqueur.

Le roy Edouart se partit de Cressi et chevauca droit à Kalais, et là mist le siégé moult elTorciement par la terre et puis par la mer. Et furent les Flamens en son aide. Et adonc out monseigneur Godefroy de Harecourt sa paix et vint au roy Philippe. Car quant monseigneur Godefroy vit son frere occis, il ne voult plus demeurer avec le roy Edouart, et le roy Philippe le retraist et mist en sa garde.

Le roy Edouart maintint le siégé devant Calais plus de dix mois et tant destraint ceulx de la ville qu’ilz n’avoient que mengier. Et à brief raconter ilz mengoient toutes ordures par droicte famine.

Le roy Philippe assembla ses hostz et semont ses barons et chevauca vers Calais. Mais la male royne boiteuse Jehenne de Bourgoingne, sa femme, qui estoit comme roy et faisoit destruiie ceulx qui contre son plaisir aloient, ou du moins elle les exilloit ou leur toulloit le leur, iceste royne manda aux grans barons qui estoient avec le roy que, comment qu’il fust, qu’ilz ne souffrissent que le roy son seigneur se combatist' ; à Monseigneur Godefroy de Harecourt et au conte

1 . Dans une note de sa précieuse édition des Grandit Chroniques de France f M. P. Paris essaye d’expliquer ces allées et Tenues de Philippe de Valois, c On peut croire» fait remarquer ce sarant » que la grande raison de tontes les irrésolutions du roi de France veooit de la crainte qu’il aToit de laisser Paris à la merci des An^lols. Il ne Touloit pas la quitter

d’Aucerre, à Flacon de Revel, à ceulx le manda sur la bart, et puis en escripl aux prelas. Et oultre tant avoit de paour de son mary le roy qu’elle en escript au duc Jeban son filz.

Le roy PliLlipj)e vint jusques à une lieue près de Kalais. Mais par les lettres de la roine le roy out conseil de retourner, qui ne fut bon. Et donc quant le roy Philippe se fut mis en chemin de retourner, les Anglois pristrent Calais et se rendirent à la mercy du roy Edouart. Et quant le roy Edouart out prins Calais, il repassa mer et s’en retourna en son royamne d’Angleterre. Et le siégé estant devant Calais, les Flamens vouldreiit (|ue leur jeune conte preist à femme la Glle au roy Eidouart d’Angleterre. Mais il se eschapa et s’en vint tout droit au roy de France. Apres ce, l’an mil trois cens quarante huit, mourut la male royne boiteuse de Bourgoingne, femme du dit roy Philippe. Et apres ce prinst le dit roy Philippe à famé madame Blanche, seur du roy de Navarre. Et le dit roy de Navarre depuis prist à femme la fille du roy Jehan, filz de cestui roy Philip|)e.

En ce temps, l’an quarante huit et quarante neuf, fu la très grant mortaUté.

En l’aii mil trois cens cinquante, fut le plain {>ardon à Romme et teuoit le siégé de Romme pape Clement Vl'“”. Et en cel an trespassa de cest siecle

Uut qu’Édoiurd ne >’en éloignoit pas. > On voit pour la première fois par notre chronique que U funeste influence et les timides conseils de U reine Jeanne de Bourgogne, épouse de Philippe, causèrent en grande partie les lenteurs, les ajournement!», l'inconsistance de résolutions et de conduite de ce prince dans tout le cours de cette désastreuse campagne.

très excellent prince et puissant Philippe de Vallois roy de France et mourut à Nogent le Roy; et fut mis en sépulture à Saint-Denis en France, le jour de la vigille de la decolacion Saint Jehan Baptiste.

Après la mort de Philippe de Valloiz roy de France régna Jehan son filz ainsné duc de Norraendie et fut couronné à Bains ou dit an mil trois cens cinquante le jour de la Saint Michiel. En cest temps, estoit empereur de Romme et d’Aiemaigne Charles de Boesme ; et Edouart filz de l’aisnée fille de France, fille du roy Philippe le Bel, estoit roy d’Angleterre. Apres le très noble sacre et couronnement du roy Jehan, vint à Paris à très grant noble compaiguie de princes, de barons et de toutes nobles gens qui avoient esté à son sacre. C’est assavoir premièrement Charles le roy de Navarre son gendre, monseigneur Philippe de Navarre, conte de Longueville, son frere, monseigneur Philippe duc d’Orliens, frere du dit roy Jehan, monseigneur Louis conte de Flandres et plusieurs autres grans seigneurs et barons. Et à la joieuse venue du roy ouït à Paris unes très nobles joustes de trente chevaliers parés des armes du duc de Bretaingne, lequel estoit encoires prisonnier en Angleterre. Et apres le departement de la feste, fist le roy Jehan décapiter ung très noble et courtois prince Raoul, conte d'Eu et de Gnines et cunuestable de France. Et fut décapité à Paris en l’ostel de Neelle. De laquelle mort ce fut douleur, car c’ estoit ung des plus courtois, des plus gracieux chevaliers de France et des plus larges. Nul n’osa parler de la cause de sa mort. De laquelle furent troublés grant partie des noblesde France ne oncques ne fut sceu du peuple la cause de sa

mort, jasoit ce que plusieurs en parloient et murmu-

roient.

En cest temps conquist le roy d’ Arragon le royaume de Malogres et fit au roy qu’il prist coupper la teste.

En cest temps vint en Bretaingne monseigneur Thomas de Holande' o grant nombre de gens d’armes d’Angleterre. Et contre lui fut envoyé de par le roy Jehan monseigneur Guy de Neelle. Et comme il fut arrivé en Bretaingne, il chevauca sur les Angloiz et out devant Saint Malo ung dur paleteys. Et là ouït grant bataille, car moult avoient les deux parties de bonnes gens. Ce temps durant, ot une emprinse faicte de trente François contre trente Anglois, et furent les Angloiz desconfiz. Cy est le commencement de Bertran de Clasquin.

En l’an ensievant, monseigneur Charles d’Espaingne, qui estoit nouvelement fait connestable de France, ala en Poitou et misl siégé devant Saint .lehan d’.Angeli et fist viguereusement la ville assaillir. Les Anglois le mandèrent à Edouart le roy d’Angleterre, lequel le plus haslivement qu’il pout list son appareil et passa la mer pour lever le siégé. Charles d’E.spaingne le manda au roy Jehan de France qui haslivement et hardiement ala secourre Charles d’Espaingne son connestable. Et chevauca le roy Jehan contre le roy Edouart, letjuel ne l’atlendi pas à combatre et s’en retourna en Angleterre. Et lors le roy Jehan retourna à Saint Jehan d’Angeli et fist viguereusement la ville assaillir, laquelle les Anglois lui rendirent. Et avoit