Harcourt-Thury, Calvado*, arr. de FaUiie, ch -1, de o
pour eulx advitaillier et se partirent de Tury. Et comme ilz furent hors, on leva le pont et lors s’escria RifTlart de Tulhay : « Moult [s/c] joye Saint Denis ! » Et dit aux Angloiz : « Ne soyez plus retournans, car ne entreres enThury. »
A Penthecouste , l’an rail trois cens soixante onze, le roy de France tint grant court. Et y fut le roy de Navarre et le duc d’Angou, frere du roy de France, et grant nombre de haulz et nobles hommes de France. Et adonc fit le roy de France l’acort du dit roy de Navarre et du dit duc d’Angou. Puis apres ce le connestable monseigneur Rertran de Clacquin ala mettre le siégé devant Conches. A prendre le siégé, les Anglois et Gascons firent une saillie, et là ouït grant escarmuche. Et furent les diz Gascons et Anglois reboutés par force dedens le fort, et à la retraitte blecerent grant foison des Françoiz du trait. Et y fut blecié le comte du Perche, et monseigneur Raoul Maillart occiz. Puis resaillirent ceulx de Conches par une autre porte. Et prindrent des Françoiz de l’ostetsi prindrent des gens qui menoient vivres en l’ost et tout menèrent en leur fort.
L’abbé de Fescamp retourna de court de Romme. Et retrencha l’en les garnisons, et ordonna l’en deux bastides devant Conches, et leva l’en le siégé. Dont ce fut grant domaige pour le pais , car ceulx de Conches rpprindrent à pillier et destruire le dit pais. Charles le roy de Navarre vint devant Conches et devant Bretueil affin qu’ilz se rendissent, mais oncques pour luy n’en vouldrent riens faire. '
En ce temps, madame de Bourgoingne, fille du comte de Flandres, acoucha d’un filz.
214 CHHONIQUE
Cy raconte des legas du pape lesquelz, apres ce qu’ilz eurent esté pardevers le roy de France, allèrent en Angleterre pour traittier de paix au dit roy d’Angleterre d’entre lui et le roy de France pour mettre chrestienté en bonne paix et union, et que l’en peust guerroier les ennemis de la foy, et que armée se fourmast et voiage se feist à chasser les mescreans de la Saiiicte Terre de Jherusalem, ainsi que le roy de France se submettoit du tout en l’ordonnance du Saint Pere de faire du descort et de la guerre qui estoit entre les diz roys. A cestui premier traictié fut tout à plain refusant le roy d’Angleterre. Item, les diz legatz distrent que le roy de France s’en submettoit en l’ordonnance de l’empereur. Le dit roy d’Angleterre le fut refusant. Item, les diz legatz distrent au roy d’Angleterre que le roy de France s’en meltoit en l’ordonnance de quatre roys Crestiens. Le dit roy d’Angleterre le (ut refusant. Item, les diz legatz distrent au roy d’Angleterre que, de quarante personnes tant chevaliers que bourgoiz prins du royaume d’Angleterre et autant semblablement prins du royaume de France, que sur ce que ces quatrevingt preudommes diroient et jureroient, le dit roy de France s’en mettroit en leur ordonnance. De tout ce le roy d’Angleterre fut refusant. Ataiit se partirent les diz legatz du pape du dit roy d’Angleterre sans riens faire et s’en retournèrent.
En cest temps, les bons liarons de Bretaingne, monseigneur de Beaumanoir, monseigneur Olivier de Clichon, monseigneur de l.aval et moult d’autres haiilx hommes avoient mis siégé à Becerel ‘ comme le
