MAI, ROUEN

Rémission octroyée par Henri VI à Jacques Fillie, de Dieppe, accusé de s'être rendu complice, à la suite d'un voyage fait en Bretagne en 1428, des « écumeurs de mer » de Saint-Malo de l'Ile.

Henry, par la grâce de Dieu roy de France et d'Angleterre, savoir faisons a tous presens et advenir nous avoir esté exposé de la partie des parens et amis charnelz de Jacques Fillie, fils de feu Michiel Fillie, demourans en la ville de Dieppe, noz vrais subgiez et obeissans, que, en l'an mil ccccxxiii que paix et aliance estoient entre noz hommes et subgez et nostre très chier et très amé- oncle le duc de Bretaigne et ses subgiez, et que l'en povoit aler marchandement et autrement de l'un pais en l'autre sans niille reprehension, le dit Jaquet, qui lors estoit de jeune aage comme de XVIII ans ou environ et lequel n'avoit point de père, entra en un vaissel du dit pais de Bretaigne qui lors estoit venu marchandement en icelle ville de Dieppe, et s'en ala dedans icellui vaissel en icellui pais de Bretaigne, pour y cuidier trouver maistre a demourer marchandement, lequel maistre il ne pot trouver, pour ce qu'il n'estoit pas de la nacion du dit pais de Bretaigne. Et pour ce, par sa jeunesse et son petit sens il fut soudainement meu a passer le pais et aler par terre jusques en la ville de la Rochelle, en laquelle il demeura assez pou de temps, non cognoissant certainement l'inconvénient qui lui en povoit ensuir. Tantost après lesquelles choses, il se party et retray en la dicte ville de Dieppe ou auprès d'icelle, pensant y estre seurement, pour ce qu'il n'avoit porté ne fait aucune guerre a nous ne a nos dis hommes et subgez, dont lui, adverti de l'inconvénient qui a l'occasion de ce qu'il estoit alez en la dicte ville de la Rochelle, comme dit est, lui povoit ensuir, se parti, doubtant rigueur de justice, du dit pais de Dieppe et s'en re-

tourna en icellui pais de Bretaigne, en entencion de y trouver maistre, comme paravant avoit fait, ce qu'il ne pot trouver, mais en ce faisant usa et dissipa et despendi tant pou de chevance qu'il avoit. Pourquoy, après ce, lui, voyant qu'il n'avoit plus de quoy vivre, s'en ala et retray en la ville de Saint Malo de l'IUe et, jasoit ce qu'il n'eust pas lors ne grant temps après entencion ne voulenté d'aler sur la mer en escumerie, neantmoins, par l'ennortement, introduccion et conseil d'aucuns escumeurs lors estans ylec, et qu'il eust fait le serment au' temps de la rendue de la dicte ville de Dieppe et de ce prins et eu bullette, le dit Jacquet ala en escumerie deux ou trois fois seulement ou il a aidié a prendre aucuns de noz subgez et obeissans et de leurs biens et merchandises. Pour lesquelles choses et si paiera a l'église des Carmes de Rouen la somme de dix livres tournois. Si donnons en mandement par ces mesmes présentes aux

bailliz de Rouen, de Caux Donné a Rouen ou mois de

may l'an de grâce mil cccc et vint six, et de nostre règne le quart. Ainsi signé : par le conseil estant en l'eschequier. Adam. ■>

■ri

{Arch. Nat., sect. hist., JJ iy3^ n° 52g.)