I, 10 DÉCEMBRE, MANTES

Rémission octroyée par Henri VI à Jean Donnillet, tailleur d'habits à Notre-Dame-de-Cenilly en Cotentin, mis es fers et jeté au fond d'une basse fosse pour avoir dit en état d'ivresse, un lundi qu'il était allé au marché de Coutances, aux gardiens de la porte d'entrée de la dite ville de Coutances que, quoiqu'il eût été fait prisonnier deux fois par les Armagnacs, il aimait mieux le roi Charles de France que Henri d' Angleterre.

Henry, par la grâce de Dieu roy de France et d'Angleterre, savoir faisons a tous presens et advenir nous avoir receu l'umble supplicacion de Jehan Donnillet, povre simple homme cousturier i, de laparroisse Nostre Dame de Cenillie 2 ou bailliage de Coustentin, ancien homme, aagié de lv ans ou environ, chargié de femme et de sept petiz enfans, détenu prisonnier en noz prisons a Constances, contenant comme, ou mois de septembre derrain passé, il feust venu a un jour de lundi au merchié au dit lieu de Coustances, ou il avoit a besoingnier, et la avecques autres de sa congnoissance feust aie boire en la taverne telement et si largement qu'il feust cheu en yvresse et en tel estât que par trop boire il ne savoit qu'il disoit ne qu'il faisoit, mais aloit ce dit jour par les rues de la dicte ville de Coustances sans chaperon comme un fol desmesuré; et ce dit jour, en yssant a la porte d'icele ville par l'aide de deux de ses voisins qui l'emmenoient et tenoient par dessoubz ses deux aisselles, pour ce qu'il ne se povoit soustenir ne aler par chemin pour la grant charge du vin qu'il avoit trop prins, lui estant ainsi abuvré, dist aux portiers de la dicte porte qu'il avoit esté prisonnier par deux foiz des Armignaz 3, mais encore les amoit il mieulx qu'il ne faisoit les Anglois et amoit mieulx le roy de France Charles

I". Cousturier, tailleur d-'habits

2. Notre-Dame-de-Cenillj', Manche, arr. Coutances, c. Cerisy-la-Salle.