Auj. Chailloué, Orne, arr. Alençon, c. Sées
3. Lagny, Seine-et-Marne, arr. Meaux. Sur le siège de Laguy, voyez plus haut, p. 34, note 3.
vacquiés et entendez diligenment en passant a icelles ceulx que en voz consciences vous verrez estre suffisanment a passer, et cassant ceux qui seront a casser. Et certiffiez deuement des noms et surnoms des dictes gens, de la manière de leurs habilleraens , comme accoustumé est de faire en tel cas... Donné a Valloignes , soubs noz signés, le xvin^ jour de juing l'an mil iiiic trente deux. J. de Cruce.
(Bibl. Nat., Quittances, t. 64, n° 1844.)
1482, 19 JUIN^ LOCHKS
Charles Vil mande à tous huissiers, sergents, hérauts et poursuivants d'armes ou « tromjpilles », d'ajourner à comparaître devant le duc d'Alençon, lieutenant général en Normandie, ou devant le. Parlement séant à Poitiers, quiconque voudrait empêcher les vicaire et religieux de l'abbaye du Mont- Saint-Michel de jouir du produit des contributions militaires levées sur leurs baronnies d'Ardevon et de Genest, notamment le capitaine de Laval.
Charles, par la grâce de Dieu roy de France, au premier nostre huissier ou sergent d'armes, herault, poursuivant d'armes ou trompille qui sur ce sera requis, salut. Noz bien amez les vicaire, religieux et couvent de l'abbaye du Mont Saint Michiel nous ont fait exposer, en compleignant, disans que, combien que pour leur aidier a vivre et a soustenir leur estât et continuer le service divin en la dicte église, pour honneur et révérence de Dieu et de monseigneur saint Michiel, nous leur ayons octroyez et donnez tous les appatiz des terres et seigneuries de la dicte église, c'est assavoir en la baronnie d'Ardevon, Ardevon, Huysnes, les Pas, Beauvoir, Tanu, Curé, Vessé, la Croix, Ceaulx, Marcé, Villiers et Saint Benoist de Bevron; en la baronnie de Gênez, Gênez, Bacillie, Dragié, Saint Jehan le Thomas, Saint Michiel des
PIÈCES DIVERSES Siy
Loupx et Boullon et d'autres contenus en noz lettres ' sur ce faictes pour certain temps declairé en icelles, et que ayons expressément mandé a tous noz chiefz de guerre, capitaines, justiciers et officiers les en faire et souffrir joir et user; neantmoins pluseurs capitaines et gens de guerre de nostre service leur ont donné et donnent chascun jour sur ce pluseurs destourbiers et empeschemens , contreignent leurs hommes de leurs dictes terres a leur paier et bailler les dis appatiz, les prennent et lievent de fait, ameinent leurs diz hommes prisonniers et autrement les y troublent et empeschent tellement qu'ilz n^en pevent joir et en ont souffert et souffrent pluseurs neccessitez, et mesmement les capitaines des places de Laval ^ et d'autres voisines des dictes terres et seigneuries, en leur très grant préjudice et dommage, comme ilz nous ont fait remoustrer , requerans nostre provision. Pour ce est il que nous, eu sur ce consideracion et a la grant charge que les diz supplians ont a supporter pour avoir leur vivre, estât et sustentacion et pour la continuacion du divin service, et aussi que de présent ilz n'ont comme nulles revenues ou prouffiz dont ilz puissent vivre, voulans nos dictes lettres d'octroy sur les diz appatiz leur estre entérinées selon leur teneur, te mandons et commettons par ces présentes que tu faces exprès commandement de par nous a tous capitaines et gens de guerre de nostre dit service, tant du dit lieu de Laval que autres, ou a leurs lieuxtenans et a tous autres qu'il appartendra, que plus ne troublent ou empeschent les diz supplians ou fait des diz appatiz, mais les leur laissent avoir, lever et recevoir, tout selon la forme et teneur de nos dictes lettres, sans aucunement donner ou souffrir donner aux hommes et subgiez de leurs dictes terres aucun empeschement au contraire; ainçois, s'ilz en avoient prins aucuns a prisonniers ou autrement leur avoient mis ou donné empeschement, les délivrent avecques leurs biens et les diz empeschemens mettent a plaine délivrance, en leur signiffiant la teneur de nos dictes lettres et icelles publiant
