DÉCEMBRE, FALAISE
Mention d'une enquête faite par Nicolas Le Pelletier, lieutenant de Jean Seynt, vicomte de Falaise, au sujet du massacre des nobles et des gens du commun accompli à Vicques par des Anglais et des Gallois sous les ordres de Thomas Watrehoux et de Roger Yker et de l'envoi à Falaise de quatre commissaires, Jean Fastolf, grand maître d'hôtel du duc de Bedford, Jean Salvain, bailli de Rouen, Guillaume Oldhall, bailli d'Alençon, Nicolas Burdett, lieutenant du château de Rouen, lesquels ont mis en jugement et livré au dernier supplice les dits Thomas et Roger et leurs complices.
Eustace Quenivet, lieutenant gênerai de noble homme messire Richart Haryngton, chevalier, bailli de Caen, à Jehan Seynt, n'a gaires viconte de Faloise et receveur des deniers deus au roy nostre sire du terme de Saint Michiel derrain passé, salut. Comme il soit ainsi que, par le commandement et auctorité de mon dit seigneur le bailli et de son lieutenant et par le conseil et deliberacion des autres officiers et conseilliers du dit seigneur en la dite viconté, Nicolas Le Peletier, lors vostre lieutenant, ait esté commis et ordonné faire l'informacion, assavoir contre l'orrible murdre et ocision fait auprès de Vicques sur les nobles et gens de commun du pais par plusieurs Englois, Galoiz et autres gens de guerre et de compaigne, dont l'en disoit que Thomas Watrehoux et Rogier Yker estoient chiefs, cappitaines et entrepreneurs, de la dite occision fut fait la manière et comme le cas se porta. Pour quelle cause, le dit Nicollas a vacqué à ce faire plusieurs journées et icelle infourmacion de rechief doublée et escripte pour envoier au conseil du roy nostre sire estant à Rouen ; et depuis a icelle infourmacion doublée et escripte par plusieurs fois et baillie
PIÈCES DIVERSES 4g
devers nobles personnes messire Jehan Fastok, chevalier, grant maistre d'ostel de hault et puissant prince monseigneur le régent le royaulme de France, duc de Bedford, messire Jehan Salvein, chevalier, bailli de Rouen, messire Guillaume Osdalle, chevalier, bailli d'Alençon, et messire Nicolas Bourdet, chevalier, lieutenant du chastel de Rouen, commissaires de mon dit seigneur le régent venus au dit lieu de Faloise pour appréhender le dit Watrehoux, Yker et leurs aliez et complices, causes et coulpables du dit murdre. Par lesquelz commissaires et mon dit seigneur le bailli de Caen le dit Watrehoux et autres plusieurs furent prins et amenés es prisons de Faloise et pour le dit cas par eulz confessé en jugement exécutés par justice ; et avecques ce ait le dit Nicollas fait, mynué et doublé par plusieurs fois certaines informacions et enqueste faites de la vie, estât et gouvernement de Jehan Plommier et Guillaume Tintai, Englois de la garnison de Faloise détenus prisonniers es prisons du roy nostre sire à Caen et à Baieux, et semblablement une autre informacion faite sur la vie, estât et gouvernement de Richart Portier, soy disant preneur du chastel de Faloise, pour plusieurs prinses, larrecins et abus que l'en disoit par le dit
preneur avoir esté faiz sur les hommes et subgez du roy
Donné à Faloise, les assises du dit lieu de Faloise illec seans et par nous tenus le xvie jour de décembre l'an de grâce mil quatre cens et trente quatre.
(Bibl. Nat., Quittances, t. 67, n° 2416.)
1435 (N. ST.), l5 JANVIER, FALAISE
Mandement relatif à un message adressé par Jean Fastolf à Thomas, sire Je Scales, pour le faire venir à Caen en toute hâte avec les gens d'armes et de trait dont il pourrait disposer en vue de résister et courir sus aux nobles et gens des communes qui étaient venus mettre le siège devant la dite ville de Caen.
Philippe le Cloutier, lieutenant en la viconté de Faloise de noble homme messire Richart Haryngton, chevalier, bailli de Caen, à Jehan Seynt, escuier, n'a gaires viconte de Faloise, ou à son commis à faire la recepte du domaine du roy nostre sire en icelle viconté, du terme Saint Michiel derrenierement passé, salut. Nous vous mandons que des deniers de vostre recepte vous paies, bailliés et délivrés à Guillaume de Regnieville, messagier à pié, la somme de trente soulz à luy deubz pour ung voyage par luy fait du dit lieu de Faloise à Dampfront porter unes lettres closes adrechans à noble et puissant seigneur, monseigneur de Scalles, cappitaine du dit lieu, à luy envoies par noble et puissant seigneur messire Jean Ffastolf, chevalier. Et pour ce que ledit messagier ne trouva point le dit sire de Scalles et luy bailla les dictes lettres qui contenoient que le dit sire de Scalles allast hastivement à Caen devers le dit messire Jehan Ffastolf, à toute puissance de gens d'armes et de trait, pour résister et courir sus aux nobles et gens de commun qui estaient venus mettre le siège devant la dicte ville de Caen à très grant nombre ; ouquel voiage faisant, le dit messagier a vacquié par l'espace de quatre jours entiers qui, au pris de sept soulx six deniers tournois par jour, vallent pour les diz quatre jours icelle somme de xxx soulz que tauxée lui avons pour sa peine, despens et sallaire du dit voyage ; et par rapportant ces pre-
PIÈCES DIVERSES 5l
sentes avecques quittance suffisante du dit messagier, icelle somme vous sera allouée en voz comptes et rabatue de vostre recepte où il appartient. Donné au dit lieu de Faloise le xve jour de janvier l'an mil imc xxxmi. P. le Cloutier.
(Bibl. Nat., Quittances, t. 68, n° 2433.)
Robert Jo\el, lieutenant général de Hue Spencer, bailli de Cotentin, mande au vicomte de Coutances de payer y 5 sous à Robin Preudomme, messager, qui a porté de Coutances à Saint-Lô et de Saint-Lô à Rouen des lettres closes adressées, tant aux lieutenant et bourgeois de Saint-Lô qu'à messeigneurs du Conseil du roi Henri VI, afin de leur annoncer que les nobles et communes rebelles du pays de Bessin étaient passés en grand nombre par Tinchebrai , en la vicomte de Mortain, pour aller rejoindre Jean, duc d'Alençon, logé à S avigny-V Abbaye et donner l'assaut avec les gens du dit duc à la bastille d'Ardevon.
Robert Jozel, lieutenant gênerai de noble homme Hue Spencier, escuier, bailli de Costentin, au viconte de Coustances, salut. Nous vous mandons que des deniers de vostre recepte vous paiez et délivrez à Robin Preudomme et Huet Escroivart, messagiers, c'est assavoir, au dit Robin, pour estre aie de Coustances à Saint Lo porter lettres closes aux lieutenant et bourgoiz de la ville du dit lieu de Saint Lo et d'ilec à Rouen porter lettres closes devers messeigneurs du conseil du roy nostre seigneur contenans qu'il avoit esté rapporté certaines nouvelles que les nobles et communes rebelles du pays de Bessin estoient passés en grant nombre
par Tinchebray ', en la viconté de Mortaing, pour eulx aler joindre aveques Jehan d'Alençon et autres adversaires du roy nostre seigneur qui estoient retournez eulx logier à Savigni l'Abbaie 2 et illec environ, en entencion de aller assaillir la bastille d'Ardevon ou faire quelque autre entreprise contre les sugez du roy nostre seigneur : euquel voiage le dit messagier a vacqué par l'espace de x jours, pour chascun desquelz lui avons tauxé vu solz vi deniers qui valent lxxv solz; et audit Huet Escroyvart, pour ung voiage par lui fait à Vallongnes à avoir porté devers monseigneur de Saint Pierre, conseiller du roy nostre seigneur, lettres closes faisans mencion des dictes nouvelles, en quoy il a vacqué, tant alant, séjournant que retournant, par trois jours. Pour ce, à lui tauxé la somme de vint deux solz six deniers tournois. Et par rapportant ces présentes aveques quittance souffisante, icelles sommes vous seront alouées en vos comptes et rabatues de vostre recepte par messeigneurs les auditeurs d'iceulx, ausquelz nous requérons que ainsy facent. Donné soubz nostre seel le xixe jour de janvier l'an mil cccc xxxim. Dixnis.
(Arch. Nat., sect. hist., K 63, n° 34'6.)
i. Tinchebrai, Orne, arr. Domfront.
2. Auj. Savigny-le- Vieux, Manche, arr. Mortain, c. Le TeilleuL
Mandement relatif à un message envoyé le 14 janvier 1435 de Rouen au Pont-Audemer, à Lisieux et à Orbec vers les vicomtes des dits lieux afin qu'ils fissent crier que tous les nobles de leurs vicomtes, tant anglais que français, eussent à se rendre en armes à Lisieux le lundi 1 7 janvier suivant pour aller en la compagnie du comte d'Arundel, lieutenant du roi Henri VI, s'opposer à l'entreprise de plusieurs communes et de gens de pays assemblés en grand nombre dans le bailliage de Caen et surtout aux envi~ rons de cette ville.
Guillaume de la Fontaine, lieutenant gênerai de noble homme monseigneur Jehan Salvain , chevalier , bailli de Rouen et de la souveraineté et exempcions de Gisors. Pour la paine, voyage et salaire de Jehan de Bray, messagier de pié, d'estre allé, par l'ordonnance de noz seigneurs du conseil du roy nostre sire et par le commandement de mon dit seigneur le bailli, de ceste ville de Rouen au Pontaudemer, à Lisieulx et à Orbec porter certains mandemens aux vicontes des diz lieux du Pontaudemer, d'Auge et Orbec, affin qu'ilz fassent crier et publier par tous les lieux de leurs dictes vicontés acoustumés à faire cris que tous nobles et noblement tenans, tant angloiz que françoiz, d'icelles vicontez et autres qui ont acoustumé à servir et fréquenter les armes et mesmes les chiefz angloiz, et ceulx de leurs retenues qui sont ordonnés à la garde du pais fussent le lundi prochain ensivant du dit cry en la dicte ville de Lisieux de devers mon dit seigneur le bailli montez, armez et habilliez pour aller en la compaignie de monseigneur d'Arondel, lieutenant du roy nostre sire,vacquier ou service du roy nostre dit seigneur pour résister et pourveoir àl'encontre de l'entreprinse de plusieurs communes et gens de pays qui s'estoient assemblés en grant nombre environ la ville de Caen et le bailliage
d'icellui ; ouquel voyage faisant, icellui messagier a vaqué, tant en allant, séjournant que retournant, par sept jours, et parti le xime jour de ce présent moiz de janvier.... Donné à Rouen le xxmie jour de janvier l'an de grâce mil une xxxim. N. Fleurv.
(Bibl. Nat., Quittances, t. 68, n° 2445.)
1435 (N. ST.), l6 FÉVRIER
Mandement relatif à trois messages, le premier envoyé de Coûtâmes à Agon pour interroger deux femmes de la dite paroisse d'Agon revenues des faubourgs d'Avranches où elles étaient allées épier les Français qui assiégeaient alors cette ville, — le second envoyé de Coutances à Cérences et à Gavray porter des lettres closes à Thomas, sire de Scales, et à Hue Spencer, bailli du Cotentin, par lesquelles le vicomte de Coutances leur annonçait, à la date du 3o janvier, un envoi de vivres destinés à approvisionner leurs troupes, — le troisième adressé de Coutances à Rouen aux gens du Grand Conseil du roi Henri VI pour leur faire savoir que Jean, duc d'Alençon, et les Français qui assiégeaient Avranches, craignant d'être enveloppés par le comte d'Arundel et par Thomas, sire de Scales, venaient de lever précipitamment le siège de la dite place d'Avranches.
Robert Jozel, lieutenant gênerai de noble homme Hue Spencier, escuier, bailli du Costentin, au viconte de Coustances, salut. Nous vous mandons que des deniers de vostre recepte vous paiez et délivrez à Thomas le Prévost, messagier, pour estre aie par le commandement du lieutenant du cappitaine et viconte de. Coustances à Agon, afin défaire venir devers eulx deux femmes d'icelle parroisse d'Agon,
lesquelles estoient venues des forsbours de la ville d'Avranches où ilz avoient esté envoiées pour espyer et enquérir du gouvernement des adversaires du roy nostre sire tenans le siège devant icelle ville afin que du dit gouvernement fust rescript à monseigneur de Scalles, euquel voiage il a vaqué par l'espace d'un jour; pour ce, à lui tauxé la somme de vu solz vi deniers tournois. Item, pour estre aie de Goustances à Cerenses et à Gavray porter lettres closes à monseigneur de Scalles et à mon dit seigneur le bailli contenans la dilligence que faisoit le dit viconte de faire assembler vivres pour iceulx faire porter en l'ost de messeigneurs d'Arondel et Scalles ; euquel voiage le dit messagier a vacqué, tant en alant, séjournant que retournant, par l'espace de deux jours commençans le penultime jour de janvier; pour ce, à lui tauxé la somme de xv solz tournois. Item, pour ung autre voiage par lui fait du dit lieu de Coustances à Rouen et avoir porté lettres closes à mes seigneurs du Conseil faisans mencion que celui qui se dit duc d'Alençon et autres ennemis et adversaires du roy nostre sire, qui tenoient le siège devant la dicte ville d'Avranches, s'en estoient hastivement fuyz de devant icelle ville pour le doubte et crainte de mes diz seigneurs d'Arondel et de Scalles qui s'estoient traiz auprès du dit lieu d'Avranches pour ferir sur le dit siège et assaillir les diz ennemis; euquel voiage le dit messagier a vacqué par l'espace de dix jours, pour chascun desquelz lui avons tauxé la somme de vu solz vi deniers tournois valant lxxv solz tournois. Lesquelles parties montent en somme toute nu livres xvn solz vi deniers tournois. Et par rapportant ces présentes avecques quittance souflîsante, ce vous sera aloué en voz comptes et rabatu de vostre recepte par messeigneurs les auditeurs d'iceulx ausquelx nous requérons que ainsy le facent. Donné soubz nostre seel le xvic jour de février l'an mil cccc xxxmi. Dixnis.
(Bibl. Nat., Quittances, t. 68, n° 2458.)
Mandement relatif an payement de plusieurs messagers envoyés du 16 janvier au 8 février 143 5, les uns, pour faire presser l'approvisionnement des hommes d'armes concentrés à Gavray sous les ordres du comte d'Arundel et à Carences sous le commandement de Thomas, sire de Scales, pour secourir la place d'Avranches assiégée par Jean, duc d'Alençon ; — les autres, pour informer le bailli du Cotentin que Louis, sire d'Estouteville, capitaine du Mont-Saint-Michel, depuis la levée du siège d'Avranches par le duc d'Alençon, mettait sur pied grand nombre de gens d'armes pour courir et rançonner les vicomtes d'Avranches et de Coutances.
Robert Jozel, lieutenant gênerai de noble homme Hue Spencier, escuier, bailli de Costentin, au viconte de Coustances, salut. Nous vous mandons que des deniers de vostre recepte vous paiez et délivrez à Robin Beauchief, Jehan Guerin, Thomas Renouf et Guillaume Desmery, est assavoir aus diz Beauchief et Guerin, à chascun, xl solz tournois que leur avons tauxez pour avoir vacqué pendant les diz jours à aller, par le commandement et ordonnance des gens de la justice du roynostre sire, porter mandemens aux sergens des sergenteries de La Halle, Maufras, Couraye, Saint Gille, M oy on, Gavray et Saint Pair, afin de faire savoir aux nobles et autres qui avoient acoustumé fréquenter les armes qu'ilz feussent prestz en armes pour aller en la compaignie de mes seigneurs le conte d'Arondel et de Scalles repuiser et ferir sur le duc d'Alençon et autres adversaires du roy nostre sire que l'en disoit estre mis sus pour venir courir et pillier eu pays de Normendie, icellui voiage commençant le xvie jour de janvier; — et aus diz Desmery et Renouf, à chascun d'eulx semblable somme de quinze solz tournois, pour deux jours que chascun d'eulx ont vacqué à aller porter aus diz sergens
mandemens pour faire aller et porter vivres et marchandises en l'ost de mes diz seigneurs d'Arondel et de Scalle estans es parties de Cerenses et Gavray pour aller ferir sur le siège tenu devant la ville d'Avranches par Jehan d'Alençon et autres ennemis et adversaires du roy nostre dit seigneur. Item, au dit Robin pour deux voiages par lui fais, l'un à Saint Lo, à avoir porté lettres closes escriptes de par le lieutenant de la ville de Coustances à mon dit seigneur le bailli contenans que le cappitaine du Mont Saint Michiel, après ce que le siège mis à Avranches eult esté levé, faisoit assembler grant nombre de gens d'armes afin de faire courir le pays des vicontez d'Avranches et de Coustances pour lui paier apatiz, et l'autre voiage, à avoir porté lettres closes escriptes de par mon dit seigneur le bailli au lieutenant du chastel de Renierville pour la seurté d'icelle place, esquelx voiages il a vacqué par trois jours commençans le vme jour de février; pour ce, à lui tauxé xxn solz tournois. Si vous mandons..... Donné soubz nostre seel le xxne jour de février l'an mil cccc xxxiiii. Dixnis.
(Bibl. Nat., Quittances, t. 68, n° 2465.)
Mandement relatif au payement d'un messager envoyé deCoutances au château de Valognes pour faire savoir à Raoul le Sage, seigneur de Saint-Pierre, que Jean, duc d'Alençon, après avoir fait sa jonction avec les nobles et les communes du pays deBessin, s'était logé à Mortain et qu'il projetait, avec le concours de Louis d'Estouteville, sire d'Aujebosc, capitaine du Mont- Saint-Michel , de donner l'assaut à la bastille d'Ardevon occupée par Thomas, sire de Scales, afin de pouvoir ensuite ravitailler la dite place du Mont- Saint-Michel.
Robert Jozel, lieutenant gênerai de noble homme Hue Spencier, escuier, bailli de Costentin, au viconte de Coustances, salut. Nous vous mandons que des deniers de vostre recepte vous paiez et délivrez à Michiel le Gardinier et Jehan Olivier, messagiers, c'est assavoir au dit Gardinier pour estre aie du dit lieu de Coustances au chastel de Vallongnes porter devers monseigneur de Saint Pierre, conseiller du roy nostre sire, unes lettres closes à lui rescriptes faisans mencion comme celui qui se dit duc d'Alençon , ainsi que rapporté avoit esté, s'estoit joint aveques les nobles et communes du pays de Bessin et qu'ilz estoient logiez à Mortaing en intencion de venir par le moien du sire d'Ausebosc, cappitaine du Mont Saint Michiel, ferir et assaillir la forteresse et bastille d'Ardevon en laquelle les gens de monseigneur de Scalles tenoient frontière contre les Armignas estans en la dicte place du Mont Saint Michiel et pour icelle place du Mont avitaillier de vivres.... Donné soubz nostre seel le xxme jour de février l'an mil cccc xxxim. Dixnis,
(Bibl, Nat., Quittances, t. 68, n° 2468.)
PIÈCES DIVERSES 5q
Mention de deux messages envoyés, le premier de Coutances au château de Valognes pour annoncer à Raoul le Sage, seigneur de Saint-Pierre, une concentration des forces françaises à Angers sous les ordres du roi Charles VII ainsi que le propos tenu à Avranches par un homme d'armes du Mont- Saint- Michel qui voulait parier qu'avant peu les Français seraient maîtres de Coutances ; le second message adressé au bailli du Cotentin à Saint- Lôpour l'informer que l'on avait eu nouvelles, par l'intermédiaire des capitaines de Bricqueville-sur-Mer et de Chanteloup, que les Français, après avoir levé précipitamment le siège d1 Avranches, venaient de rentrer en Normandie où ils avaient occupé l'abbaye fortifiée de Savigny et Saint-Hilaire, en attendant la venue de Jean, duc d'Alençon.
Robert Jozel, lieutenant gênerai de noble homme Hue Spencier, escuier, bailli de Costentin, au viconte de Coustances, salut. Nous vous mandons que des deniers de vostre recepte vous paies et délivrés à Michiel le Gardinier, messagier, pour ung voiage par lui fait du dit lieu de Coustances au chastel de Vallongnes à avoir porté devers monseigneur de Saint Pierre, conseillier du roy nostre sire, le double des lettres closes que avoient rescriptes au lieutenant du cappitaine du dit Coustances les lieutenant du cappitaine et viconte d'Avranches faisans mencion qu'ilz avoient eu vraies nouvelles que celui qui se dit roy du party adverssaire estoit en la ville d'Angiers à tout grosse puissance de gens d'armes, et se doubtoit l'en qu'ilz ne retournassent entrer en Normendie et mesmes qu'il y avoit eu ung homme d'armes de la garnison du Mont Saint Michiel en la dicte ville d'Avrenches qui voulloient faire gaigeure que, dedans bien brief temps, ilz seroient maistres de la ville de Coustances, euquel voiage icellui messagier a vacqué par l'espace
de trois jours commençans le xvie jour de février. Item, pour ung autre voiage par lui fait du dit lieu de Coustances à Saint Lo à avoir porté pardevers mon dit seigneur le bailli le double d'unes lettres closes lesquelles avoientesté rescriptes au cappitaine de Briqueville sur la mer contenans que le cappitaine de Chantelou avoit eu nouvelles que les Armignas qui s'en estoient fuyz de devant la ville d'Avranches retournoient courir en Normendie et que il en y avoit grant nombre logiez à l'abaie de Savigni et à Saint Hylaire, en attendant la venue de celui qui se dit duc d'Alençon.... Donné soubz nostre seel le xxmie jour de février l'an mil cccc xxxiiii. Dixnis.
(Bibl. Nat., Quittances, t. 68, n* 246g.)
GLXVIII
