N. ST.), JEUDI 19 JANVIER, VILLEDIEU

Hue Spencer, écuyer, bailli du Cotentin, mande au vicomte de Valognes de faire approvisionner et mettre en état de défense toutes les villes closes et châteaux de sa vicomte, à cause de certaines nouvelles que l'on a reçues sur les projets des ennemis.

Hue Spencier, escuier, bailli de Costentin et commissaire du roy nostre sire en ceste partie, au viconte de Vallongnes, salut. Nous, pour certaines nouvelles des ennemis du roy nostre sire et pour le bien du roy nostre dit seigneur et de ses subgés, vous chargons expressément que, incontinent cest mandement par vous receu, vous pourveis et faictes pourvoir de vivres et abillemens de guerre à toutes les villes closes et chasteaulx de vostre dicte viconté... Donné à Villedieu le jeusdi xixe jour de janvier l'an mil quatre cens trente cinq.

(Bibl. Nat., Quittances, t. 71, n° 3o52.)

Mention de l'obligation imposée à tous les Normands de porter une croix vermeille, sous peine d'être considérés comme rebelles, et d'une grosse assemblée faite par Boschier, capitaine de communes.

Robert Jozel, lieutenant gênerai de noble homme Hue Spencier, escuier, bailli de Costentin, au viconte de Coustances, salut.. Nous vous mandons que des deniers de vostre recepte vous paies, bailliés et délivrés à Robin Proudomme, messagier, la somme de soixante quinze solz tournois que tauxés lui avons pour sa paine et sallaire d'avoir porté les mandemens donnés de mon dit seigneur le bailli aux vicontes de Mortaing, Avranches et Vire contenans que les diz vicontes feissent crier que tout homme portast la croix vermeille, sur paine d'estre pugnis comme rebelles et desobbeissans au roy nostre sire ceulz qui de ce faire seront trouvez deffaillans, et aussi avoir porté les lettres de mon dit seigneur le bailli aus diz vicontes faisans mencion comme Boschier, capitainne de communes, avoit fait une grose asemblée, ne savoit mon dit seigneur le bailli pour quelle cause, afin que chascun des diz vicontes feissent segrettement inquisicion pour savoir au certain pour quoy c'estoit et en faire savoir dilligences à mon dit seigneur le bailli, et aussi avoir esté porter les lettres de mon dit seigneur le bailli à Tinchebray au seigneur de Saint Cristofle et au seigneur de Monteney près Dampfront pour le bien du roy nostre sire où, en ce faisant, le dit messagier a vacqué par l'espace de dix jours entiers, tant en allant, séjournant que retournant au dit lieu de Coustaaces, icellui voyage commençant le xe jour de janvier derrain passé. Item, au dit messagier, pour ung autre voyage par lui fait du dit lieu de

Constances en la ville de Valloingnes devers monseigneur de Saint Pierre, conseillier du roy nostre sire, porter les lettres de Thomas Clamorgam, escuier, lieutenant de monseigneur de Scalles, seneschal de Normendie, contenans certaines nouvelles entrevenues au dit escuier... Donné le xxve jour de janvier l'an mil quatre cens trente cinq. N. Dix-