N. ST.), 2 3 MARS

Échange de messages entre Jean Faslolf, capitaine des ville et château de Caen, et Thomas, seigneur de Scales, tenant alors garnison à Vire, au sujet de Boschier, capitaine des communes soulevées contre les Anglais.

Richart Haryngton, chevalier, bailli de Caen, au viconte du dit lieu ou à son lieutenant, salut. Nous vous mandons et enjoingnons que des deniers de vostre recepte vous paies, bailliés et délivrés à Simon Vesannier, messagier à cheval, la somme de six livres tournois pour sa paine et sallaire de deux voyages par lui faiz de ceste ville de Caen, par l'ordonnance de messire Jehan Ffastolf, chevalier, conseillier du roy nostre sire, gouverneur d'Anjou et du Maine et capitaine des ville et chastel de Caen, et de nous, au pais de Mortaing, pour savoir et enquérir secrètement de Testât et gouvernement des ennemis du roy nostre dit seigneur que l'en disoit eulx efforcer de faire certaine entreprinse contre et eu préjudice du roy nostre dit seigneur et de sa seigneurie ; — et incontinent, lui arrivé, estre party hastivement et estre allé devers monseigneur de Scalles à Vire porter lettres closes du dit messire Jehan Ffastolf touchans grandement le bien du roy nostre dit seigneur et de sa seigneurie, et des dictes lettres avoir rapporté au dit messire Jean Ffastolf, chevalier, certaines nouvelles de Boschier de par mon

dit seigneur de Scalles... Donné à Caen le xxme jour de mars l'an mil cccc trente cinq. N. Huet.

[Bibl. Nat., Quittances, t. 6 g, n° 2784-)

1436 (N. ST.), 28 MARS, RÉGNÉVILLE

Mention d'un mandement de Hue Spencer, bailli du Cotentin, enjoignant aux habitants du plat pays de s'armer de bâtons et de se mettre en embuscade sur les chemins pour résister aux ennemis.

Hue Spencier, escuier, bailli de Costentin, au viconte de Coustances ou à son lieutenant, salut. Nous vous mandons que des deniers de vostre recepte vous paies, bailliés et délivrés à Jehan Paris, messagier à pié, la somme de vingt et deux solz six deniers tournois que tauxés lui avons pour ung voyage par lui fait de Renieville à Avrenches et Tombelaine porter au viconte du dit lieu d' Avrenches nostre mandement contenant que il feist crier et publier par tous les lieux de sa dicte viconte acoustumés à faire cris que les nobles et gens qui ont acoustumé à suyr et fréquenter les guerres se tenissent prestz et apparilliés pour ettre devers nous, toutes fois qu'il leur sera fait savoir, et auxi que chascun homme du plat pais de sa dicte viconte se tenissent embastonnés et ambuschassent les chemins, le tout pour résister à rencontre des ennemis et adverssaires du roy nostre sire lesquieulx avoient intencion de courir, piller et appatissier les subgiés du roy nostre dit seigneur, et auxi deux paires de lettres closes que rescripvismes aux lieutenans d'Avrenches et Tombelaine faisans mencion de ce que dit est afin qu'ilz se te-

nissent sur leurs gardes Donné à Renierville lexxvme jour

de mars l'an mil cccc trente cinq avant Pasques,

(Bibl. Nat., Quittances, t. 6 g, n° 2788.)