CLXXXIII

1436, 8 AVRIL-2g SEPTEMBRE, AVRANCHES

Mention de plusieurs messages envoyés par Jean Lampet, écuyer, lieutenant d'Avranckes, à divers capitaines anglais, et relatifs à l'occupation de Granville par les Français sous les ordres d'André de Laval, sire de Lohéac, de Jean, sire de Bueil, et de Jean de la Roche.

Enssuit la declaracion de plusieurs messagiers et espies lesquelx, pendant le temps d'entre Pasques mil ccccxxxvi et Saint Michiel enssuivant, ont fait et acompli plusieurs voyages pour le bien du roy nostre sire et de sa seignorie, tant par le commandement de Jean Lampet, escuier, lieutenant d'Avrenches, que de Jehan Gourdel. viconte du dit lieu, qui sont à allouer es comptes du dit viconte et rabatre de sa recepte, ainssi que les singulières parties cy après desclerées le contiennent.

Item, Jehan Barbot, messagier à pié, est allé hastivement jour et nuit, par le commandement des diz lieutenant et viconte, du dit lieu d'Avrenches à Saint Lo acertener les lieutenant et bourgoiz de la dicte ville que ceulx qui se dient seigneurs de Loheac, de Buel et de la Roche et aultres ennemis estoient à Villedieu grosse puissance et que leur intencion, comme ilz disoient, estoit d'aller devant le dit Saint Lo ou devant Hambuye ; dont lui a esté paie par son dit

voyage, pour considération des dangiers des chemins esquelx les diz ennemis povoyent estre pour fourragier, quarante solz tournois. Item, Estienne le Recs, messagier à pié, est allé, par le commandement des diz lieutenant et viconte, du dit lieu d'Avrenches à Saint Lo, porter lettres closes à monseigneur le bailli de Caen faisans mencion du gouvernement des diz ennemis qui se sont logiez à Grantville ; dont lui a esté paie pour son dit voyage, par marchié fait avecques lui, trente solz tournois Item, Guillaume le Ricordel, messagier à cheval, est allé, par le commandement des diz lieutenant et viconte, du dit lieu d'Avrenches à Goustances, porter leurs lettres closes à monseigneur de Scalles touchans le fait des diz ennemis et aultres choses pour le bien du roy nostre dit seigneur et de sa seigneurie ; dont lui a esté paie, par marchié fait avecques lui, trente solz... Item, Katherine la Povresse est allée, par l'ordonnance des diz lieutenant et viconte, du dit lieu d'Avrenches à Grantville , enquérir et sçavoir Testât et gouvernement des diz ennemis et la manière de leurs logeis ; dont lui a esté paie, par marchié fait avecques elle, quarante solz.

(Bibl. Nat., Quittances, t. 6g, n° 2802 2.)