La Godefroy, Manche, arr. et c. Avranches

diens du château de Hambye, que les dits ennemis, dans une course faite devant le dit château de Hambye, s'étaient vantés qu'on leur devait livrer Coutances et autres places des environs.

Robert Jozel, lieutenant gênerai de noble homme Hue Spencier, escuier, bailli de Costentin, au viconte de Coustances, salut. Nous vous mandons que des deniers de vostre recepte vous paies et délivrés à Ricart Bougon, Jehannin le Gendre, Jehan Jolis, trompette ', Bertren Sequart et Jehannin Maillart le Jeune, messagiers, c'est assavoir :

Au dit Ricart, pour estre party de Coustances le xxxe jour d'avril à aller à Rouen porter lettres devers messeigneurs les chancellier et du conseil du roy, escriptes de par mon dit seigneur le bailli, contenans la prinse du chastel de Saint Denis le Gast 2 et les coursses que faisoient en la dicte viconte de Coustances les aversaires du roy nostre seigneur qui estoient le sire de la Roche, Loheac 3, de Bueil 4 et autres, lesquelz faisoient grant atrait de vivres et de charoy tout ce qu'ilz en povoient recouvrer eu pays, et qu'ilz avoient couru devant le chastel de Chantelou 5, afin que l'en envoyast gens d'armes pour expulser les dis aversaires, ou autrement le pays tournoit à destruccion : euquel voiage le dit messagier a vaqué par dix jours, pour ce, à lui tauxé lxxv solz.

Au dit Jolis, trompette, pour estre party le premier jour de may du dit lieu de Coustances à aller à Rouen porter semblables lettres à mes dis seigneurs le chancellier et du conseil, afin que, si l'un des dis messagiers avoit aucun destourbier, que par l'autre icelles nouvelles feussent portées ; euquel voiage le dit Trompette a vaqué vin jours; pour ce, à lui tauxé quatre livres tournois.

Au dit Bertran, pour estre aie, le dit premier jour de may, de Coustances à Saint Lo porter lettres closes, rescriptes par les lieutenant et viconte du dit Coustances, à messire Ri-

i. Ce Jean Jolis était le trompette de la garnison anglaise de Coutances.