Chanteloup, Manche, arr. Coutances, c. Bréhal

chart Harynton, chevalier, bailli de Caen, illec envoyé pour tirer devers luy es basses marches toutes gens de guerre qu'il porroit recouvrer, aveques le double de certaines lettres que leur avoient rescriptes Jehan Browe et Jehan Passequin, gardes du chastel de Hambye ', contenans qu'ilz avoient sceu par certains prisonniers, qu'ilz avoient prins à la coursse que avoient faicte devant leur place les dis aversaires, que les dis aversaires se ventoient etfaisoientfors que, dedens brief temps, leur dévoient estre livrées la dicte ville de Coustances et autres villes et places illec environ, afin que hastivement il voulsist venir ou envoyer nuyt et jour de ses gens en la dicte ville de Coustances pour la sceurté d'icelle : euquel voiage le dit messagier a vaqué par deux jours; pour ce, à lui tauxé la somme de vint solz tournois.

Et au dit Maillart, pour estre party du dit lieu de Coustances le dit premier jour de may à aller à Chierebourg porter devers monseigneur de Saint Pierre 2 les lettres des lieutenans de monseigneur de Scalles et du cappitaine de Coustances contenans les nouvelles des dis Browe et Passequin et autres nouvelles dessus dictes, et que par icelle cause avoit esté rescript à monseigneur le bailli de Caen, estant à Saint Lo, afin que par sceurté il se vensist bouter ou envoyer de ses gens en la dicte ville de Coustances, et pour avoir porté lettres de monseigneur de Saint Pierre à Renieville 3 devers mon dit seigneur le bailli : euquel voiage le dit messagier a vaqué par cinq jours ; pour ce, à lui tauxé la somme de xxxvn solz vi deniers tournois.

Lesquelles parties font, en somme toute, dix livres douze solz vi deniers tournois. Et par rapportant ces présentes aveques quittance, la dicte somme vous sera aloée en vos comptes et rabatue de vostre recepte par messeigneurs les auditeurs d'iceulx, auxquelz nous requérons que ainsy le facent. Donné soubz nostre seel le xve jour de may l'an mil ccccxxxvi. R. Josel.

î. Manche, arr. Coutances, c. Gavray.

2. Raoul le Sage, seigneur de Saint-Pierre (auj. Saint-Pierre-Eglise, Manche, arr. Cherbourg), membre du grand conseil du roi d'Angleterre.