J436, 6 AOUT, ROUEN

Mandement de Henri VI faisant mention de 1 20 arcs, d'autant de cordes et de 200 trousses de flèches, le tout valant 2 23 livres tournois, lesquelles armes ont été distribuées à des gens de guerre vivant sur le pays, enrôlés par Thomas, seigneur de Scales, pour combattre les Français établis à Granville , à Chanteloup et à Saint-Denis-le-Gast.

Henry, par la grâce de Dieu roy de France et d'Angleterre, à noz chiers et bien amés Jehan Stanlowe, escuier, trésorier, et Pierre Baille, receveur gênerai de noz finances en nostre paiz et duchié de Normendie, salut et dilection. Oye et receue avons la supplicacion de nostre amé et féal conseiller Thomas, sire de Scalles, chevalier, contenans comme, pour s'employer à son povoir au repulsement et subjuguement de noz ennemis et adverssaires n'a gaires estans à grant nombre et puissance es places de Grantville, Chantelou ', Saint Denis le Gast2 et ailleurs es parties d'environ, icelui nostre conseillier, pour lors ayant de par nous la charge et gouvernement de la basse marche de nostre dit paiz de Normendie, eust prins les champs et son chemin vers noz dis ennemis et, pour soy acompaignier du plus de gens de guerre qu'il povoit recouvrer, eust fait venir et assembler pardevers lui certains gens de.guerre, non prenans ou estans pour lors à aucuns gaiges, vivans etsejournans au plat paiz sur noz povres et loyaulx subgés ; ausquielx gens de guerre nostre dit conseillier, regardant qu'ilz estoient mal habilliés et défaillant de arcz, cordes et trousses de flesches pour leur deffense, eust baillié et délivré ou fait baillier, livrer et départir par entr'eulx, affin de leur donner meilleur