I437, 2 1 NOVEMBRE-I438 (N. ST.), 28 JANVIER

Mentions relatives à des concentrations de troupes faites par les Français près Châteaugontier, Laval et la Gravelle en vue d'opérations projetées en basse Normandie.

Item, Pierre le Francès est aile', par le commandement des diz lieutenant et viconte, du dit lieu d'Avrenches es parties de Chasteaugontier, Laval et la Gravelle, enquérir et sçavoir des nouvelles des ennemis du roy nostre sire que l'en disoit qui faisoient assemblée secrète en icelles parties pour entrer en ceste basse marche ; auquel voyage faisant il a vacqué par sept jours commençans le xxie jour de novembre, au prix de vu solz vi deniers tournois pour jour, vallent lu solz vi deniers.

Item, Jehan le Ber est allé, par le commandement des diz lieutenant et viconte, du dit lieu d'Avrenches à Vennes en Bretaigne, enquérir et sçavoir des nouvelles de Arthur de Bretaigne qui estoit venu au dit lieu de Vennes devers monseigneur le duc et que l'en disoit qu'il rempareroit Pontorsson et Saint Jame de Bevron ; ouquel voyage faisant il a vacqué par ix jours commençans le xme jour de janvier, au prix de vu solz vi deniers tournois pour jour, valent lxvii solz vi deniers.

Item, Jehan Fautrel est allé, par le commandement du dit lieutenant, du dit lieu d'Avrenches es parties de Vitry et Fougieres, enquérir et sçavoir des nouvelles des ennemys du roy nostre sire que l'en disoit estre assemblés pour remparer Pontorsson et Saint Jame de Bevron ; ouquel voyage faisant il a vacqué par vi jours commençans le xxne jour du dit

mois de janvier, au prix de vu solz vi deniers tournois pour jour, vallent xlv solz.

(Bibl. Nat., Quittances, t. yi, n° 3i3j.)

1437, ig DÉCEMBRE, CARENTAN

Nicolas Dixnis, lieutenant de Hue Spencer, écuyer, bailli du Cotentin, mande au vicomte de Carentan de payer 4 livres 10 sous tournois à Colin le Porquier, messager à pied, lequel a porté de Carentan à Rouen des lettres closes adressées au comte de Warwick, lieutenant du roi, au chancelier et aux seigneurs de la Chambre des Comptes, pour les informer que les ennemis, assemblés au Mont-Saint-Michel, se sont avancés jusqu'à Torigni dont ils ont pris le marché.

Nicolas Dixnis, lieutenant par tout le bailliage de Costentin de noble homme Hue Spencer, escuier, bailli du dit lieu, au viconte de Carentan ou à son lieutenant, salut. Nous vous mandons que, des deniers de vostre recepte, vous paies, bailliés et délivrés à Colin le Porquier, messagier à pie, la somme de quatre livres dix soulz tournoiz que tauxé lui avons pour sa paine, salaire et despens d'avoir porté, par le commandement de mon dit seigneur le bailli, plusieurs lettres closes de ceste ville de Carentan à Rouen, les unes à monseigneur de Warwyk, lieutenant du roy nostre sire, les aultres à monseigneur le chancellier, les aultres à messeigneurs du Conseil et les aultres aux seigneurs de la Chambre des Conptes du roy nostre dit sire, faisantes mencion que les ennemis et adversaires du roy nostre dit sire estoient assemblés, tant au Mont Saint Michiel que illec environ sur les marches de Bretaigne, pour vouloir entrer en pais sub-

get et obeissan au roy nostre sire pour prendre et apatessier les subgés d'icellui sire, et plusieurs choses touchans et re» gardans le bien du roy nostre sire et sa seignourie, et que desja partie d'iceulx avoient couru jusquez à Thorigny et prins le marchié de icellui lieu. Auquel viage faisant, le dit Porquier a vaquié, tant en alant, venant que séjournant, douze jours entiers, pour chascun desquelx lui avons tauxé la somme de sept solz six deniers tournois qui vallent en somme la dite somme de quatre livres x solz tournois. Et par raportant ces présentes avec quittance suffiesante du dit messagier, la dite somme vous sera alouée en voz conptes et rabatue de vostre recepte par mes diz seigneurs de la dite Chambre auxquelx nous requérons que ainsy le facent sans difficulté. Donné à Carentan, les assises du dit lieu illec séantes et par nous tenues, le xixe jour de décembre l'an mil mic trente sept. N. Dixnis.

(Bibl. Nat., Tit. orig., au mot Porquier; document indiqué par M. L. Delisle.)

Montre de la garnison de Régnêville, composée de 6 lances à à pied et de 2 5 archers, sous Thomas Picot, écuyer, lieutenant du comte de Suffolk, capitaine du dit château de Régnéville, faite par Thomas Hue, lieutenant en la vicomte de Coutances du bailli de Cotentin.

Cy enssivent les noms et surnoms des hommes d'armes et de trait estans en la garnison du chastel de Renierville '