I44O, 5 JUILLET, AVRANCHES

Mention de Vexécution à Avranches de Perrin Fillepouche, de la paroisse des Biards, décapité comme traître, rebelle et incendiaire de l'église de la dite paroisse des Biards.

A tous ceulx qui ces lettres verront, Guillaume Coescoret, clerc, garde du scel des obligacions de la viconté d' Avranches, salut. Savoir faisons que pardevant Olivier Rose, tabellion pour le roy nostre sire juré eu siège du dit lieu, fut présent Robin Olivier, mestre et exécuteur de la haulte justice du roy nostre sire, lequel de sa pure et franche volenté congnut et confessa avoir eu et receu de honnourable homme Jehan Gourdel, viconte d' Avranches, le nombre de cinquante soulz tournois pour sa paine et sallaire d'avoir décapité Perrin Fillepouche, de la parroisse de Biars ', en la viconté de Mortaing, pour ses démérites, traistre, larron, brigan, ardeur de l'église du dit lieu des Biars, ennemi et adversaire du roy nostre sire.... En tesmoing de ce, à la relacion du -dit juré, ces lettres sont scellées du dit scel. Ce fut fait au dit lieu d'Avranches l'an mil quatre cens quarante, le cinquiesme jour de juillet.

[Bibl. Nat., Quittances, t. 76, n°4o53.) 1. Auj. les Biards, Manche, arr. Mortain, c. Isigny.