I44O, 12 AOUT

Mention d'une enquête faite par Richard Harington, bailli de Caen.du ij juillet au g août 1440, au sujet d'une accusation de lèse-majesté dirigée contre Guillaume des Moulins et Guillaume aux Épaules, chevaliers , Guillaume Osber, vicomte de Valognes, l'abbé de Montebourg, le curé de Sainte-Marie-du- Mont et plusieurs autres.

Sachent tous que nous Richart Harington, chevalier, bailli de Caen, confessons avoir eu et receu de Pierre Baille, receveur gênerai de Normandie, la somme de quarante deux livres tournois pour la parpaye de soixante douze livres tournois à quoy montent vingt quatre jours, commençans le xvne jour de juillet derrenierement passé et finiz le ixe jour de ce présent moys incluz, que nous affermons en nostre conscience avoir vacquez en certain voyage par nous fait, par l'ordonnance du roy nostre sire, à Valoingnes et ou pays de Costentin, pour illec faire informacion sur certains cas de crime de lèze majesté et autrement que l'on disoit avoir esté commis par sires Guillaume des Molins, Guillaume aux Espaulles, chevaliers, Guillaume Osber, viconte de Valoignes, l'abbé de Montebourg, le curé de Sainte Marie du Mont et plusieurs autres detenuz et arrestez prisonniers pour icellui cas... En tesmoing de ce, nous avons seellées ces présentes de nostre seel le douziesme jour d'aoust l'an mil quatre cens quarente.

(Bibl. Nat., Quittances, t. 7 6, n° 4ogj .)

Mention d'une commission d'enquête instituée pour instruire les procès de Guillaume, abbé de Montebourg, de Jean Gallon, naguères curé de Sainte-Mari e-du-Mont, de Nicole Gohier, curé de Saint-Germain de Tournebut, prêtres, de Guillaume aux Épaules et de Guillaume des Moulins, chevaliers, de Robert de Tollevast, de Robert de Mary, de Colin du Bosc, de Colin Basan, de Guillaume Meurdrac, de Guillaume Osber, vicomte de Valognes, écuyers, et de Robert le Coq, bourgeois de Cherbourg, détenus, les uns à Rouen, les autres à Carentan, et accusés de s'être rendus coupables du crime de lèse-majesté.

L'an de grâce mil cccc quarante, le dixiesme jour de février, devant nous Guillaume de la Fontaine, lieutenant gênerai de noble homme monseigneur Jehan Salvain, chevalier, bailli de Rouen, fut présent Tusse, poursuivant d'armes, lequel congnut et confessa avoir eu et receu de Jehan le Sac, viconte de Rouen, la somme de douze livres dix solz tournois qui deubz lui estoient et tauxez lui ont esté par mes seigneurs les commissaires ordonnez par le roy nostre sire à faire, congnoistre, jugier, décider et déterminer les procès de messire Guillaume, abbé de Montebourgh, messire Jehan Gallon, nagueires curé de Sainte Marie du Mont, maistre Nicole Gohier, curé de Saint Germain deTournebu, prestres ; messire Guillaume aux Espaulles et Guillaume des Moulins, chevaliers ; Robert de Tollevast, Robert de Mary, Colin du Bosc, Colin Basan, Guillaume Murdrac, Guillaume Osber, vicomte de Valongnes, escuiers; Robert le Coq, bourgoys de Chierebourgh, tous prisonniers par l'ordonnance de nos seigneurs du grant conseil du roy nostre sire, les ungs au dit lieu de Rouen, les autres à Carenthen, pour les paine, sallaire et despens du dit poursuivant de deux voiages par lui faiz du commandement et ordonnance de noz

diz seigneurs les commissaires, c'est assavoir le premier pour avoir esté et chevauchié hastivement jour et nuyt de ceste ville de Rouen à Valoingnes porter certaines lettres et cedules à la justice du dit lieu touchans le dit de Tollevast, l'un des diz prisonniers ; et le second voiage d'avoir esté hastivement jour et nuit comme dessus de ceste dicte ville à Caen devers le bailli du dit lieu de Caen et sire Guy de la Villette porter le double de tous les procès des diz prisonniers estans au dit lieu de Rouen pour aller faire les informacions ou pays de Costentin des cas touchans aucuns des diz prisonniers; esquelz deux voiages faisans icellui poursuivant ait vacqué, tant en allant, séjournant que retournant, par l'espace de vint jours entiers qui, au pris de douze solz six deniers tournois pour chascun des diz jours, valent la dicte somme de douze livres dix solz tournois dessus dicte... Donné comme dessus. Pinchon.

(Bibl. Nat., Quittances, t. 77, n° 4233.)

Henri VI, mande aux trésoriers et gouverneurs généraux de ses finances de payer les gages des 10 lances à pied et des 3o archers composant la garnison de Granville dont Thomas, sire de Scales et de Granville, son conseiller, est capitaine.

Henry, par la grâce de Dieu roy de France et d'Angleterre, à noz amez etfeaulx les trésoriers et generaulx gouverneurs de toutes noz finances en France et en Normandie, salut et dilection. Comme par noz autres lettres patentes nous ayons baillié et ordonné à nostre amé et féal conseillier Thomas, sire de Scales et de Grantville, charge et retenue de dix lan-

l3o CHRONIQUE DU MONT-SAINT-MICHEL

ces à pié et trente archiers pour les avoir et tenir au dit lieu de Grantville et nous servir à la garde, seurté et deffence d'icelui lieu et du pais d'environ à telz gaiges que ont acoustumé avoir de nous les lances à pié et archiers des autres garnisons de Normandie ; nous, par l'advis et deliberacion de nostre très chier et très amé cousin Richart, duc d'York, nostre lieutenant gênerai et gouverneur de France et Normandie, vous mandons et expressément enjoingnons par ces présentes que par nostre bien amé Pierre Baille, receveur gênerai de nos dictes finances de Normandie, vous faites paier, bailler et délivrer au dit sire de Scales ou à son certain commandement les gaiges des dictes dix lances et trente archiers pour tel temps qu'ilz ont servy au dit lieu de Grantville jusques à la Saint Michel prouchainement venant,

xxixe jour de ce présent mois de septembre Donné à

Rouen le xxvie jour de septembre l'an de grâce mil quatre cens quarante et ung et de nostre règne le dixneufiesme. Par le roy, à la relacion de monseigneur le duc d'York, lieutenant gênerai et gouverneur de France et Normandie. Lombart.

(Bibl. Nat., Quittances, t. 77, n° 438o.)

GGXVI

I44I, l5 OCTOBRE

Thomas, seigneur de Scales et de Nucelles, sénéchal de Normandie et capitaine de Granville, donne quittance de 2 23 livres 6 sous 7 deniers tournois pour les gages de la garnison du dit lieu de Granville depuis le 2g septembre 144,0 jusqu'au 28 septembre 1441 .

Nous Thomas, seigneur de Scales et de Nucelles, seneschal

de Normandie et capitaine de Grantville ', confessons avoir eu et receu de Pierre Baille, receveur gênerai de Normandie, la somme de deux cens vint trois livres six soulz sept deniers tournois sur ce qui nous est deu à cause des gaiges et regardz des gens d'armes et de trait de nostre retenue pour la sauvegarde du dit lieu de Grantville desserviz en l'année finie le xxvme jour de septembre derrainierement passé in-

clud En tesmoing de ce, nous avons scellé ces présentes

de nostre seel le quinziesme jour d'octobre l'an mil cccc et quarante ung.

(Bibl. Nat.y Titres scellés de Clairembault, vol. 102, au mot Scales.)