I444, 12 OCTOBRE, CAEN

Messages adressés par le bailli de Caen aux vicomtes de Bayeux et de Carentan et relatifs à la défense faite par le roi Henri VI à Guillaume Lucy, chevalier, lieutenant de Vire, de lever deniers ou provisions sur les habitants des bailliages de Caen et de Cotentin et aux dits habitants d'obéir aux injonctions du dit Guillaume Lucy.

Eustace Quenivet, lieutenant gênerai de noble homme monseigneur Richart Harington, chevalier, bailli de Caen, au viconte du dit lieu ou à son lieutenant, salut. Nous vous

PiÈCES DIVERSES 175

mandons que des deniers de vostre recepte vous paiez, bailliés et délivrez à Jehan le Pontonnier, messagier à cheval, la somme de cinquante solz tournois pour sa paine et salaire d'avoir esté de ceste ville de Caen à Baieux et à Cârenten porter, c'est assavoir, au dit lieu de Baieux le mandement exécutoire des iettres du roy nostre sire faisans mencion comme icelui seigneur deffendoit à messire Guillaume Lucy, chevalier, lieutenant de Vire, et à tous aultres, qui vouldroient lever deniers ou provisions sur les parroissiens de ce dit bailliage, que de ce ilz se cessassent et n'en levassent aucune chose, et semblablement que l'en deffendist aux parroissiens d'icelles parroisses que ilz ne obéissent à quelques lettres et mandemens qui pour celle cause leur fussent envoyés et qu'ilz n'en feissent aucun paiement, et au dit lieu de Cârenten avoir porté le vidimus des dictes lettres devers le bailli de Costentin ou son lieutenant, pour ce que icelles s'adressoient à mon dit seigneur le bailli de Caen et au dit bailli de Costentin, ouquei voiage faisant le dit messagier a vacqué l'espace de quatre jours entiers commençant le huitiesme jour de ce présent mois.... Donné à Caen le douziesme jour d'octobre l'an mil quatre cens èYquarante quatre. Chëvrier.

(Bibl. Nat., Quittances, t. 81, n°5o8i.)