JUIN, HONFLEUR

Mandement de Henri VI maintenant Jean Lampet, écuyer, comme lieutenant de la garde et capitainerie d'Avranches avec 5 lances à cheval, 10 lances à pied et 45 archers.

Henry, par la grâce de Dieu roy de France et d'Angleterre, à noz amez et feaulx conseilliez les trésoriers et generaulx gouverneurs de noz finances en France et en Normandie, salut et dilection. Savoir vous faisons que , par

Fadvis et deliberacion de nostre très chier et très amé cousin Richard, duc de York, nostre lieutenant gênerai et gouverneur de par nous de noz royaume de France et duchié de Normandie, nous avons continué et continuons par ces présentes nostre bien amé Jehan Lampet, escuier, lieutenant de la garde et capitainerie des ville et place forte d'Avrenches à la charge de cinq lances à cheval, sa personne en ce Comprinse, dix lances à pié et quarante cinq archiers, et ce pour un quartier d'an commençant le vingtneufiesme jour de ce présent moys de juing et finissant au jour de Saint Michiel prouchainement venant.... Donné à Honnefleu soubz nostre seel ordonné en l'absence du grant le vingtsixiesme jour de ce dit présent moys de juing l'an de grâce mil quatre cens quarante quatre et de nostre règne le vingtdeuxiesme. Par le roy, à la relacion de monseigneur le duc de York, lieutenant gênerai et gouverneur de France et Normandie. J. Drosay.

[Bibl. Nat., Quittances, t. 8i, nd5oi7.)