Barfleur, Manche, arr. Valognes, c. Quettehou
1445, 3l AOUT, ROUEN
Henri VI nomme Simon Ryham trésorier et général gouverneur, et Jean Chandelîier receveur général, pour l'assiette et la perception d'une somme de trente mille livres tournois restant à recouvrer de l'aide votée par les trois États de Normandie convoqués à Argentan au mois de juillet précédent, aide dont le produit était destiné à obtenir l'évacuation du dit duché de Normandie par des bandes d' aventuriers qui l'exploitaient en vivant sur le pays et y commettant toute sorte de désordres.
Henry, par la grâce de Dieu roy de France et d'Angleterre, à noz bien amez Symon Ryham et Jehan Chandelîier, salut. Comme parvenu feust à la congnoissance de nostre très chier et très amé cousin Richart, duc de York, nostre lieutenant gênerai et gouverneur de par nous de noz royaume de France et duchié de Normendie, que gens de guerre en grant nombre, retournés puis aucun temps ença du pais et des marches d'Alemaigne, où ilz avoient esté ou service tant de nostre oncle en France que de nostre cousin le daulphin son filz, estoient en diverses sortes en nostre pais et duchié de Normendie es basses marches d'icellui, vivans illec desordonneement de leur auctorité et entreprinse propre et commetans plusieurs maulx, excès et delitz ou grief de la chose publique, de nostre seigneurie et obéissance; et aussi y avoit aucunes autres gens qui de mauvaise voulenté commetoient crimes inhumains et dont plaintes et clameurs en estoient piteusement faictes. Pour à quoy remédier, à nostre honneur et au relievement de la dite chose publique, mesmement à la très instante prière et requeste de noz hommes et subgetz du pais en gênerai, nostre dit cousin et lieutenant partit de nostre ville de Rouen et ala es dites basses marches grandement et notablement acompaigné de gens de conseil, de jus-
tice et de guerre et par la grâce de Dieu ait tant procédé et entendu à la matière que par bons moyens il a fait vuider et desencombrer le dit pais, tant des dites gens de guerre comme des autres delinquans en la qualité dite, et d'icelles gens de guerre qu'il a fait veoir en manière de monstres a retenu les aucuns qui ont semblé gens de fait et mis en garnison affin de les emploier au bien de nostre seigneurie, selon que le cas requerroit, et les a fait promptement soldoyer pour aucun temps ; et les autres des nacions d'Angleterre, de Galles et d'Irlande, qui n'ont semblé propices en fait d'armes, a ordonné et fait aler et eulx retraire pardelà la mer, leur délivrer et pourveoir de navire potfr leur passage et distribuer deniers pour leur aider à passer temps et faire leurs despens jusques là, et des diz autres delinquans a fait faire pugnicion ' selon leurs démérites et que possible lui a esté. A laquele chose pratiquer et mettre à execuciondeue, a convenu à nostre dit cousin faire plusieurs dons secretz à diverses personnes qu'il y a emploiées à faire paiemens à gens qui n'estoient d'aucunes garnisons et à la dite cause faire prompte finance de grande somme de deniers et autres que de noz finances ordinaires et extraordinaires qu'il a empruntée à grant danger et perte et en a engaigé grande partie de ses joyaulx et vesselle d'or et d'argent, car nos dites finances n'eussent peu à ce suffire en tout ne en partie. Et pour ceste matière remoustrer et y avoir aide en nostre nom fist, ou mois de juillet derrenierement passé, assembler en nostre ville d'Argenten aucuns députez et procureurs de la plus saine et entière partie des gens des Estaz de nostre dit pais et duchié de Normendie et ausquelz la chose touchoit plus qui, à la dite cause et congnoissance, le besoing desclairé, nous ont octroyé certaine somme de deniers et icelle somme estre assise, cueillie et levée avec le quart et der renier paiement de l'otroy à nous derrenierement fait à Rouen par les procureurs et députez des gens des diz Estas, duquel octroy à nous ainsi fait ait esté de nostre auctorité faicte assiette d'une certaine partie, et en reste et demeure encores à as-
1. Un mandement de Richard Harington, bailli de Caen, daté de cette ville le 26 décembre 1446, enjoint de punir les contrevenants de la peine de la hart CQuitt., t. 85, n° 5635J.
l88 CHRONIQUE DU MONT-SAINT-MICHEL
seoir la somme de trente mil livres tournois. Savoir vous faisons que, pour la bonne confidence que avons en vos sens et bonnes diligences, nous, par l'adviz de nostre dit cousin et lieutenant, et pour certaines causes à ce nous mouvans, vous avons ordonné, commis, establis et substitués et par ces présentes ordonnons, commettons, establissons et substituons en ceste matière, partie et qualité, par manière de provision tant seulement, et jusques à ce que par nous en soit autrement ordonné, c'est assavoir vous Symon Ryham ou fait et exercice de l'office et entremise de trésorier et gênerai gouverneur de noz finances en France et Normendie, et vous Jehan Chandellier ou fait et exercice de l'office et entremise de receveur gênerai de nos dites finances... Donné à Rouen soubz nostre seel ordonné en l'absence du grant le derrenier jourd'aoust l'an de grâce mil quatre cens quarante cinq et de nostre règne le vingtroisiesme. Par le roy, à la relacion de monseigneur le duc de York, lieutenant gênerai et gouverneur de France et de Normendie. J. de Drosay.
(Bibl. Nat., Quittances, t. 83, n° 52gg.)
