AOUT, CHERBOURG

Mention de plusieurs messages envoyés de Cherbourg à Valognes, à Tourlaville, à la Hougue et à Barfleur par Thomas Goiver, lieutenant et garde de la dite place de Cherbourg, pour assurer V embarquement et le transport en Angleterre de tous les aventuriers, non enrôlés dans des garnisons, qui vivaient auparavant sur le pays de Normandie.

A tous ceulx qui ces lettres verront ou orront, Jehan Fortescu, chevalier, garde du seel des obligacions de la viconté de Vallongnes, salut. Savoir faisons que pardevant Guillaume Levavasseur, clerc tabellion du roy nostre sire

eu siège de Chierebourg, fut présent en sa personne Richart de Lespine, poursuivant d'armes, lequel congnut et confessa avoir eu et receu de sire Remon Monfault, receveur gênerai de Normandie, comptant par Guillemin Dubosc, son clerc, la somme de sept livres dix solz tournois qui deue lui estoit. par marchié à lui fait, pour estre party de ceste ville de Chierebourg par plusieurs et diverses fois, par l'ordonnance de Thomas Gower, escuier, lieutenant et garde du dit Chierebourg, commis par le roy nostre sire à faire faire le passage et alée en Angleterre des gens qui n'a guères estoient vivans sur le pays et mandez estre au dit Chierebourg dès le douziesme jour de ce présent mois et avoir esté dès icelui jour et autres plusieurs jours ensuivans, par l'ordonnance que dessus, tant à Vallongnes, à Tourlaville ', la Hague que es autres villages près et à l'environ du dit Chierebourg, devers les dites gens de guerre leur signiffier et chargier expressément de par le roy nostre dit seigneur qu'ilz feussent prestz et se disposassent d'icellui passaige et allée faire, ainsi que ordonné et mandé leur avoit esté par le roy nostre dit seigneur, à quoy il s'est emploie dilligenment, et aussi pour avoir esté par aucunes fois à Barefleu 2 et ailleurs faire venir du navire et vesseaulx sur le port et kay du galey prez du dit lieu de Chierebourg, pour le dit passaige faire, ainsi que dit est... Ce fut fait et passé à Chierebourg le vingtiesme jour d'aoust l'an mil quatre cens quarante cinq. Levavasseur.

(Bibl. Nat., Quittances, t. 83, n° 52Ç4.)

i. Manche, arr. Cherbourg, c. Octeville.