I447, DU MOIS D AVRIL AU 29 SEPTEMBRE

Mention de divers messages relatifs aux travaux de réparation exécutés par les Anglais à la forteresse de Tombelaine, à la capture à Saint-Jame-de-Beuvron de Richard Holland mis à mort par ordre de Louis d'Estouteville, capitaine du Mont- Saint-Michel, enfin à la présence à l'abbaye de Savigny et à Saint-James de Beuvron de Raoul, sire de Camois.

A Jehan Faustrel, messagié à pie, pour sa paine, sallaire, travail et despens d'estre parti du dit lieu d'Avranches et allé à Rouen devers monseigneur le chancelier luy porter la desclaracion des reparacions nécessaires estre faictes à la place de Tombellaine et tout ce qu'il pourroit bien couster luy a esté paie par marchié fait par le dit viconte la somme de soissante dix solz. — A Tassin Denis, messagier à pié, pour sa paine, sallaire, travail et despens d'estre allé et parti du dit lieu d'Avranches ,par l'ordonnance des diz officiers ', à Goustances et de Coustances à Carenthen devers maistre Jehan Lenffant, docteur en lays, consseillier et maistre des requestes de l'ostel du roy nostre sire, lequel on disoit estre au dit lieu de Coustances, qui pas n'y fut trouvé par le dit messagier, ainsi qu'il le rapporta, et devers mon dit seigneur le bailli au dit lieu de Garenten leur porter certaines lettres que leur rescripvoient les diz officiers faisans mencion de la prinse de Richard Holland, la manière et comment il avoit esté prins à Saint Jame de Bevron par le capitaine du Mont Saint Michiel et gens de sa compaignie et mis à mort; luy a esté paie par le dit viconte, par marchié fait, trente

1. Ces officiers étaient Jean Lebailli, lieutenant particulier de Hue Spencer, bailli du Cotentin, Jean Gaudin, avocat du roi, Michel Guillou, substitut du procureur du roi, et Jean Gourdel, vicomte d'Avranches.

cinq solz. — A Guillaume Muriel, messagier à pie, pour sa paine, sallaire, travail et despens d'estre allé et parti du dit lieu d'Avranches, par l'ordonnance et commandement des diz officiers, à l'abbaie de Savygny où estoit le sire deCamoys, pour savoir et enquérir où son intencion estoit d'aller et quel nombre de gens il avoit en sa compaignie ; luy a esté paie, par marchié fait avecques luy par le dit viconte, quinze solz. — A Richart Briens, messagier à pié, pour sa paine, sallaire, travail et despens d'estre allé du dit lieu d'Avranches à Fallaize porter certaines lettres closes que rescripvoient les lieutenant et autres officiers à mes seigneurs les baillifs de Caen et Costantin faisans mencion que le sire de Camoys et gens de sa compaignie estoient en la ville de Saint Jame de Bevron et remparoient icelle ; luy a esté paie par le dit viconte, par marchié fait, trente solz.

(Bibi. Nat., Quittances, t. 85, n° 5yi6.)

Rémission octroyée par Charles VII à Jean Guiton, écuyer, homme d'armes de la garnison du Mont- Saint-Michel sous Louis, seigneur d'Estouteville, capitaine de la dite place, au sujet des détrousses, pilleries, rançonnements et violences auxquels le dit Jean avait pris part.

Charles, par la grâce de Dieu roy de France, savoir faisons à tous presens et avenir nous avoir receue l'umble supplicacion de nostre amé Jehan Guiton ', escuier, demourant

1. Ce Jean Guiton figure sur la liste des défenseurs du Mont- Saint-Michel, dressée en 1427, sous le n° 41. J. Guy ton est la bonne leçon donnée par dom

en nostre pais et duchié de Normandie, contenant que le dit suppliant, dès son jeune aage, nous a tousjours servy ou fait de noz guerres, tant soubz la charge de nostre cher et amé cousin le seigneur d'Estouteville, cappitaine du Mont Saint Michel, que autres seigneurs et chiefz de guerre, et durant les guerres et divisions qui ont eu cours en nostre royaume le dit suppliant nous a servy à rencontre de noz anciens ennemis et adversaires les Anglois et exposé son corps en plusieurs perilz et dangiers de mort et despendu et frayé du sien, et pour ce que icelluy suppliant, durant le dit temps, s'est trouvé à plusieurs sièges, voyages et rencontres, tant de jour que de nuit, esquelles souventes foiz se sontfaictes plusieurs destrousses, bateries, mutilacions et dont aucune foiz mort s'en est ensuie, et aussi s'est le dit suppliant trouvé en plusieurs lieux où plusieurs destrousses ont esté faictes sur plusieurs manières de gens, tant d'église que autres, de nostre obéissance, et à iceulx osté or, argent, bagues, chevaulx et autres biens, oultre et par dessus noz lettres de seurté et saufconduiz, lesquelz estoient butinez, et dont le dit suppliant avoit et a eu sa part et porcion, et fait, tant en compaignie que seul, plusieurs autres destrousses, pilleries, rançonnemens et bateries, enfraint nos dictes seuretez et saufconduiz et autres crimes et deliz desquelz à présent il n'est recors et dont aucuns à présent s'efforcent le tenir en grans involucions de procès par devant nostre très chier et amé cousin le connestable de France et ailleurs... Si donnons en

mandement par ces présentes au bailli de Costentin

Donné à Bourges ou mois de septembre l'an de grâce mil cccc quarante sept, et de nostre règne le xxve. Ainsi signé : par le roy en son conseil. Rolant. Visa, contentor. J. du Ban.

(Arch. Nat., sect. hist., JJ 18g, n° 160.)

Morice (Preuves de l'histoire de Bretagne, II, 1143), La leçon : L. Guyton, donnée par dom Huynes (éd. Beaurepaire, II, 116) est fautive. Cf. Registre des dons, pp. i3i et 149.