ANTÉRIEURS À 1402. XXI

munus vel donum vel promissum ab aliquo per se vel per alium non recipiet.

Et quod dictus seneschallus, vel ejus locum tenens, tenebitur illomet die præsentationis vel sequenti die, unum de duobus prædictis in majorem recipere et confirmare; sin autem, jurati prædicti villæ de Burgo, poterunt unum duorum prædictorum, lapso biduo, per semetipsos creare et confirmare in majorem; videlicet eum quem major et sanior pars Juratorum velit et consentiet. [lludque facient jurati prædicti quo casu quo dictus noster seneschallus aut aliquis ejus nomine, non esset in prædicto castro regio Umbreriæ Burdigalæ, lapsis duobus dictis diebus.

Quæ præmissa ac eorum singula servabuntur anno quolibet, futuris temporibus infaillibiliter deinceps in perpetuum in creatione novi majoris. Institutumque et ordinatum est quod nullus deinceps eligetur in majorem nisi lapso quadriennio, a tempore quo semel major fuerit et officium suæ majoriæ finierit, usque ad tempus dicti quadriennii. Constitutum etiam et ordinatum est, quod si aliquis major, tempore sui officii, in officio suo malè habuerit in aliquo vel aliquem de communa gravaverit seu oppresserit, talis gravatus seu oppressus poterit ipsum majorem accusare, vel si s2gravatum crediderit, poterit ad dictum seneschallum Aquitaniæ vel ejus locumtenentem appellare, et se inquirere, si velit, de majori prædicto, toto tempore suæ majoriæ vel toto anno sequenti, et non deinceps in futurum. Et si fortè accusans vel querelans esset extra terram, cum reversus fuerit poterit accusare de homicidio duntaxat, infra quadraginta dies post adventum suum, et ponet querelam suam coram uno dicto-