XXVIHII LISTE DES DOCUMENTS

de nostre vile de Libourne, de nouvel octroié et octroions, de grace speciale, par ces presentes, par maniere de privilege, les choses qui s'ensuivent. C’est à scavoir : que iceux maire, bourgeois et habitants de nostredite vile de Libourne, seront doresenavant et à tousjours mais francs et exempts de toutes nouvelles coustumes, peages et maletostes, qui, autrefois ont eu cours au duché de Guiene, et les en avons affranchis etaffranchissons pour ce qu'ils entretendrons et continuerons les peages et aultres coustumes anciennes imposés sur leurs vins, quand ils les meneront à Bourdeaulx ou autre part :

Item, que aucun bourgeois ou autre de ladite vile ne puisse construire ne edifier ez carrieres et lieus contigus, et touchans par dedans aux murs de ladite vile, et que on laisse d'ung costé et d’aultre grande voie et spacieuse, sans y mettre fumier ne autre ordure qui empesche la defense de ladite vile, afin que si on estoit assiegée on peut tousjours avoir accès auxdites murailles et tours;

Item, que touts estrangers qui ne seroient aucunement de nostre obeissance et aultres menants sel par le fleuve de Dordoigne, et aultres marchandises, seront tenus avec leurs nefs et vaisseaux, arriver au port de ladite vile, et desdans les murs d'icelle descharger leurdit sel et marchandises pour le vendre auxdits habitants à prix raisonnable, si faire se peut, et si non, lesdits marchands pourront lessusdit sels et marchandises remettre en leursdits nefs et les emmener sans aucune contradiction;

Item, qu'ils puissent avoir en ladite vile, communauté avecque les libertés et coustumes appartenants à

mn