ANTÉRIEURS A 1462. XXIX

icelle : et qu'ils puissent eslire et faire chacun an douze jurats, qui pourront aussi elire deux preud’hommes de leur communauté par chacun an au jour de la vigile de la feste de la Magdelene pour leur maire; et, le jour de ladite feste seront tenus lesdits douze jurats, presenter deux preud hommes au chasteau de Bourdeaulx en la presence du seneschal de Guiene, ou de son lieutenant, ou comptable dudit Bourdeaux, et après qu'ils auront presenté ainsi lesdits deux preud'hommes, ledit seneschal ou comptable de Bourdeaux, ordonneront et fairont maire de ladite vile de Libourne celui des deux qui bon leur semblera; et seront tenus lesdits seneschal et comptable, ou celui d'eux à qui lesdits deux preud'hommes seront presentés, de ce faire dedans ledit jour de la Magdelene ou le lendemain, autrement lesdits jurats le pourront faire; et sera tenu ledit maire gouverner la communauté par un an;

Item, que ladite vile de Libourne demeurera perpetuellement en nos mains sans ce que jamais elle soit séparée de la courone par tiltre de vendition, delais, transport ne autrement;

Îtem, que un chascun de ladite communauté paiera et contribuera aux frais et mises qui se fairont pour icelle, ains que lesdit maire et jurats ordonneront;

liem, que lesdits habitants ne seront point arrestés pour quelconque estrange debte, si non qu'ils fussent pleges ou debiteurs principaux par ainsi qu'ils seront prests d'ester a droit devant le maire de ladite vile de Libourne;

Item, que lesdits maire et jurats auront cognoissance perpetuelle de tous les poids et mesures de ladite vile,