SR

ANTÉRIEURS A 1402. XXXIIT

vouloir qu'ils ont eu et ont tousjours à nous, et nous voulants iceux relever et leur aider en maniere que ladite vile se puise repopuler et ressoudre, leurs dits privileges dessus declarés, avons confirmé et confirmons de grace speciale, plene puissance et autorité roiale, par ces presentes, en tant qu'ils en ont par ci devant deüement et justement joui et use, et pourveu que cette presente confirmation soit sans prejudice de l'impost du sel par nous mist sus en ladite vile de Libourne. Si donnons en mandement par cesdites presentes, aux seneschaulx de Guiene, des Lanes, de Perigord, et à touts nos aultres justiciers et officiers, ou à leurs lieutenants, presents et à venir, et à chacun d'eux si comme à lui appartiendra que nostre grace, confirmation et octroi, fassent, soufrent et laissent lesdits bourgeois, manants et habitants et leurs successeurs, jouir et user plenement et paisiblement. Donné à Chinon, au mois d'avril l’an de grace uccccuix, avant Pasques, et de nostre regne le xxxvir. Ainsi signé par le Roi en son conseil, RozanD (p. 41 et 42).

Octobre 1401.

Louis, par la grace de Dieu, roi de France, scavoir fesons à tous presents et à venir, nous avoir esté exhibées et presentées par nos chers et bien amés les maire, bourgeois et habitants de nostre vile de Libourne, en nostre pais de Gascogne, certaines lettres en forme de chartre, à eulx octroiées par feu nostre très cher seigneur et pere, que Dieu absolve, scellées