XXNXII LISTE DES DOCUMENTS

Avril 1459.

CHarLeEs, par la grace de Dieu, roi de France, scavoir fesons à touts presens et à venir, nous, avoir reçu l’humble supplication de nos chers et bien amés les maire, bourgeois et habitants de nostre vile de Libourne, en nostre pais de Gascogne; contenant que comme à la descente dernierement faite en nos païs de Guiene par le sire de Tallebot et aultres Anglois, nos anciens enemis, ledit sieur de Tallebot les eut subjugués et mis en l'obeissance de nosdits ennemis, et pour ce que par ancien temps ils avoient adheré à auxdits ennemis, et iceux favorisés et confortés, ils se tirerent par devers nous en nous suppliant et requérant très humblement, que la faulte et offense, en quoy, à l'occasion des choses susdites, ils pourroient estre encourus envers nous et Justice, nous leur voulissions quitter, remettre, pardonner et abolir, laquelle chose dès lors leur octroiames, et pour ce que ladite vile a esté et est fort depopulée, et les edifices et habitations d'icelle tournés en grand ruine, et ne se pourroit bonement relever et ressoudre sans avoir obtenu de nous de nouvel, confirmation de certains privileges par nous à eux octroyés et confirmés à la premiere réduction à icelle en nostre obéissance, se sont derechef traits par devers nous, et nous ont fait supplier et requerir que leur vueilions octroier lettres de confirmation d iceux leurs privilege, desquels la teneur s'en suit... (Voyez ci-dessus, p. xxvi1.)

Pource est il que, nous, avant en memoire le bon