XIV LISTE DES DOCUMENTS

cité de Bourdeaulx est la principalle de tous nos susdits païs et plus convenable pour l'etablissement de ladicte Court, avons, par l'advis et conseil que dessus, ordonnée et establic, ordonnons et establissons, de plaine puissance et auctorité roial, par ces presentes, une Court souveraine en nostredicte ville et cité de Bourdeaulx, pour tous nos susdits païs dernièrement par nous recouvrez et reduiz en nostre obeissance et les ressors d'iceulx, selon les limites qui par nous seront sur ce ordonnées et declairées; laquelle voulons estre tenue et gouvernée par huit conseillers, desquels deux presideront et seront appellez premier et second president, et par aultres officiers par nous à ce commis, ordonnez et establiz; et auxquels nos conseillers nous avons donné et donnons par lesdictes presentes, et ceulx qui après eulx y seront audict estat, plain pouvoir, auctorité et mandement special de toutes causes civiles etcriminelles, entre quelques parties que ce soient, demourant esdict païs, et icelle decider et determiner par leurs arrestz ou jugements; et de donner toutes aultres provisions de justice à nos subjets desdits pays, et aultres illec survenant, quant le cas y escherra, comme font et ont accoustumé et peuvent faire nos autres conseillers de nostre Court de parlement; et leurdits arretz, jugements et provisions de justice executer et faire executer par toutes manières deues et en tel cas requises, nonobstant oppositions ou appellations, sans et que d’eulx, ne de leursdits arrestz et jugemens soit loisible ne permis appeller par aucuns, ne que par eulx sur iceulx soit defleré au susdit appellar, pour quelque cause ne en quelque manière que ce soit; ordonnons et mandons à tous nos senes-