de la Levé manque A, B

G. Maihiu de Roye ajoute 5610.

[1347] DU xiv^ SIÈCLE. 89

Leve^ estoient bien xii cens, qui assemblèrent à François au bout d'une longue chaucée sur un pas, et furent ressortiz les François et leurs communes gens, et fut occis le sire de Seully et le sire de Suencourt^ et deux vaillants escuiers, dont l'un estoit nommé Le Grant d'Aussi et l'autre Le Moine d'Estansselles\ et pluseurs autres chevaliers et escuiers. Et lors vint le seigneur de Beaugieu à tout sa route par voye sur costé de celle, là où on assembla premièrement, et courut sus aux Flamans et pluseurs autres gens d'armes qui se recouvrèrent. Là furent Flamans desconfiz et prés de tous mors, et les villes d'icelles contrées prés de toutes arsses, et y ot grant perdicion de femmes et d'anffans. Puis alerent ces François essiller le val de Cassel et assaillirent la ville par moût grant assaut, mais riens n'y firent, car il avoit dedens trop grant foison de Flamans.

Assez tost après parti le roy Phelippe de Hedin et ala devant Calais à tout bien G mil^ hommes et manda bataille au roy Edouart, qui la ville avoit assegée, mais il n'eut mie conseil de combattre, ainçois envoya querre trieves de m jours par m cardinaux, qui y estoient envoiez par le saint père pour appaisier ces II princes. Et le roy Phelippe accorda les trieves m jours, et en cellui terme les Anglois et les Flamans firent fossez et trenquiez entour leur ost et sur la dune de la mer, par tele manière que François n'y purent assembler à eulz ne secourre la ville de vivres ne