Vierre A, de même plus bas; Vienne

de Calais à la journée que Emery leur avoit mise, et portèrent les chevaliers les deniers dedens le chastel. Mais Emery les trahi, car le roy Edouart estoit entré secrètement à Calais à tout bien m hommes d'armes et grant foison d'archiers, et y estoient venus par mer. Et quant il ot prins ceulz, qui avoient portez les deniers dedens le chastel, il yssi hors à tout ses gens à bataille contre les François et les desconfit, et là fut mort le sires de Crequi, Peppin de Bière et Henry du Bost, et furent prins Gieuffroy de Gharny, Eustace de Rubemont et Oudart de Renty et pluseurs autres, et furent menez en Angleterre.

Et en celé saison , devant celle bataille , avoit fait le conte Derbi une grant chevauchée parmi le pays de^ Gascoingne^, et avoit moût dommaigé le pais et pris pluseurs forteresses. Et quant il fut retrait de sa chevauchée, le conte d'Armignac et Robert de Hodetout, maistre des arbalestiers, se mistrent sur les champs à tout bien cinq mile combatans, que ilz avoient assemblez pour cuidier combatre le dit conte Derbi, mais retrait s'estoit à Bordeaux. Et lors alerent asseger Beaumont à iiii lieues de Thoulouse, que le dit conte Derbi avoit prins en sa chevauchée et garni de ses gens, et la prindrent et puis prindrent Crie et Fait et la ville d'Estanfort par assaut, et assaillirent la ville de Dunes, où il y^ avoit bien xmi cens combatans. Et fut l'assaut merveilleusement grant, et assailloit le conte d'Armignac d'un costé à tout son ost et le maistre des arbalestiers assailloit

\. parmi le pays de manque A.