y manque A

de l'autre, et estoit la ville sur le point d'estre prinse, quant le conte d'Armignac fist retraire ses gens de l'assaut. Et quant ceulz de dedens virent ce tour, ceulz qui estoient aux défenses de la ville ^ devers le conte d'Armignac, alerent courre seure aux gens du maistre des arbalestiers, qui avoient rompu le palais et ja entroient en la ville, mais il furent reboutez si durement, que il en y ot L mors. Et toutesvoies y eut il de ceulz de la ville grant foison de mors et bleciez, et la nuit laissierent la ville et s'en alerent ceulz de dedens à autres forteresses que ilz tenoient. Et l'endemain se parti l'ost et s'en ala devant La Plume, qui se rendi, et puis devant le Port Saincte Marie, qui ne fut mie prise. Et passa l'en la rivière et fut prise une tour, qui estoit à Saint Lorens du Port, et garnie de François, pour destourber à ceulz de la ville du Port de recueillir leurs blez et leurs vendenges. Et de là ala l'ost devant Montignac, et fist on trenchier les vignes et les blez et destruire le pais d'environ. Et puis se départi l'ost, et s'en ala le conte d'Armaignac et ses gens en ses forteresses, et le maistre des arbalestiers s'en ala à tout les siens à la cité d'Aigny et retint bien avecques lui iiii*^ hommes d'armes et vin*^ servans. Et deux jours après Gobert de Banville et Bertran de Goux empererent une place sur la rivière de Garonne de l'autre part du Port Saincte Marie, et avoient bien vii^^combatans. Et le maistre des arbalestiers le sceut et y ala hastivement à tout ses gens, le lundi après la Saint Jehan d'esté l'an mil cggl, et vint si hastivement, que ses gens qui vindrent les premiers trouvèrent les