Hennés A, B

[1352] DU XlY'' SIÈCLE. 105

là où fut prins Richart d'Otressant^ et pluseurs autres Englois.

En cel an prindrent les Englois les bastides, que les François avoient faites devant Plarmel en Bretaigne. Et assés tost après chevauchèrent Gautier de Bantelay et autres à tout bien xv cens Englois par le pais de Bretaigne jusques vers Mauron. Et le mareschal de Neelle, qui lors estoit cappitaine de Bretaigne [)our le roy Jehan, assembla grans gens, et fut avec lui Guillaume de Briquebeq et le sire de Hambuie, le viconle de Rohan, le sire de Quintin-, le sire de Derval, le sire du Lion, le sire de Rochefort et le sire de Beaumanoir, et le plus des chevaliers de Bretaigne et pluseurs autres, et furent bien xnii cens combatans. Lors alerent contre leurs ennemis et les encontrerent prés de Mauron, et lors les Anglois descendirent à pié et se mistrent le long d'une haie, laquele ilz mistrent derrière leur dos, et mistrent leurs archiers sur leurs costez, dont ilz avoient bien vm cens. Et Guy de Neelle, mareschal de France, descendi à pié, lui et toutes ses gens, devant les Englois, excepté le sire de Hangest que il ordonna à demourer à cheval à tout bien vii^'^ hommes d'armes pour courre seure aux archiers. En celé place avoit grans herbes, qui grevèrent moult les François, qui estoient à pié, car ilz alerent courre seure aux Englois, et les Englois ne vindrent se petit non^ encontre eulz, et si aloient les François un petit en montant, par quoy ilz en furent plus grevez. Et toutesvoies perdirent les Englois terre