mye encontre B

à l'assembler et ressortirent jusqiies à leur haie, mais une grant route de François, en estoit le sire de Hambuie et le sire de Beaumanoir, partirent et s'en alerent. Et lors Englois recouvrèrent, et fut la bataille très dure et ala le sire de Hangest assembler aux archiers et les desconfit, et furent bien mors plus de vi cens. Mais les Anglois, qui combatoient à pié, desconfirent le mareschal et sa route. Là fut mort le dit mareschal et le seigneur de Briquebec, le viconte de Rohan, le seigneur de Quintin^ le sire de Tintigniac^ et le chastellain de Beauvaiz, et tant que il y mourut vu banneres et XLiiii chevaliers, et y eut bien en tout viii cens hommes d'armes des François mors et pris, et des Anglois y eut grant foison de mors et pris. Gelé journée ne vesqut gueres Gautier de Vantelay, car il y fut moût durement navrez.

Et tantost après fut mareschal de France Jehan de Clermont, et fut le mareschal d'Odenchen envoie de par le roy Jehan cappitaine gênerai sur les marches de Bretaigne et de Normendie. Et en cellui point une route d'Englois avoient enforcié une place prés de Pontorson, que on appelloitLendaP, laquele place le dit mareschal et sa route vindrent assaillir moût durement, et tant que elle fut prinse d'assaut et tous ceulz de dedens mors et pris. Assez tost après ala le dit mareschal chevaucher devant Becherel, et en son retour il se vint arresler à une ville que on appelle Gombour, pour repaistre lui et ses gens, mais les