Le récit des expéditions des Écossais manque dans

fut il mené ou Ghastellet de Paris. Le roy Jehan fist assegier Evreux et assez tost gaingna la ville\ mais la cité se tint et le chastel. Et depuis y fut amené le roy de Navarre par le conte d'Eu et par le commandement du roy Jehan, et fist le dit roy de Navarre rendre la cité et le chastel. Et au rendre avint que ne say qui bouta le feu en la cité et fut toute la cité arce et l'église Notre Dame. Et après ce fut mené le roy de Navarre à Grievecuer et puis au chastel d'Alleux en Paluel et fut baillé en garde à Tristrant du Bos. Phelippe, frère au roy de~ Navarre, rendi son hommaige au roy et le fist deffier, pour ce que il tenoit son frère en prison, et se alia aux Englois. Et vindrent le duc de Lenclastre et lui chevaucher par Normandie jusques vers Paris à tout moût grant gent, et estoient venuz pour secourra Evreux, qui ja s'estoit rendue. Le roy Jehan ala contre eulz à tout moult grant gent, et quant le duc de Lenclastre et Phelippe de Navarre le seurent venir, ilz se retournèrent vers leurs forteresses, car moût en avoient en Bretaigne et en Normandie, et garnirent le chastel de Bretueil. Et le roy Jehan les poursuivit jusques prés de Legle, où il cuida bien avoir bataille, mais le duc de Lenclastre et Phelippe de Navarre se deslogerent de Legle devant le jour, et s'en alerent eulz et leurs gens si grant erre, que le roy Jehan ne les sceut à consuivre, car moult avoit grant ost et planté de communes. Et de là s'en ala mettre le siège devant Bretueil, et y ot grant assaut et de dures saillies. Et