fort manque B

3. Tout ce qui précède depuis la mort d'Aimeri de Pavie (p. 104) manque dans 5610.

à. et par la roine Blanche. Et estoit la royne Jehanne manque B.

furent prinses deux forteresses. Et ycelle saison prindrent Escoz la ville de Bervic, mais le roy d'Angleterre la secourut et ne la purent Escoz tenir. Et chevaucha le roy Edouart à grant povoir en Escosse, mais moût y perdit de ses gens et pou y conquesta * .

Après avint en l'an mil CGC lv, ou mois d'octobre, que le roy Edouart passa la mer et vint à Calais et assembla pluseurs Englois et autres soudoiers, et fourrèrent le pais de la conté de Guines, de Boulongne et d'Artois jusques à Haidin. Mais le roy Jehan ala contre lui si efForcieement , que le roy Edouart retourna à Calais et en Engleterre, et le roy Jehan s'en revint en France sanz bataille avoir. En cel an et en celé saison mesmes se parti le prince de Gales de Gascoingne à tout grant foison d'Englois et de Gascoins et s'en ala vers Garquassonne, et prist les villes par force et pluseurs forteresses en celle contrée, et fut le pais moût essilliez et moût grevez en pluseurs lieux.

Lors avint que le roy Jehan prist en son chastel de Rouen le roy Charles de Navarre, le conte de Harecourt, le seigneur de Grainville et pluseurs autres, et tient on que ce fut pour certains maléfices que le roy de Navarre et ses complices avoient faites et entendoient à faire contre lui et sa magesté, combien que il ne fut pas présentement declairé au peuple. Et fist coupper la teste au sire de Harecourt, au sire de Grainville, à Maubue de Mainesmaires et à Colin Doubel, et ne furent point jugez devant le peuple, mais tantost que ils furent prinz, furent decolez. Et le roy de Navarre fut mené en prison ou chastel de Crievecuer, et depuis