et celé A

Jelian avoit moût grant ost, et estoient avec lui ses un fîlz qui estoient moult jeunes'^, et son frère le duc d'Orléans, le duc de Bourbon et Jaques son frère, Jehan d'Artois et Charles d'Artois, fîlz Robert d'Artois, dontj'ay devant parlé -, et les avoit le roy Jehan délivrez de prison et leur mère , qui estoit ante du roy Jehan , assez tost après son couronnement, et avoit donné au dit Jehan d'Artois la conté d'Eu 2. Et avec les dessus nommez fut le duc d'Ataines, le conte d'Estempes, le conte de Dampmartin, le conte de Ventadour, le conte de Vaudemont^, Henry de Bar*, le conte de Vendosme, le sire de Pons, Jehan de Lendas, Gieuffroy de Charny, qui ce jour porta l'oriflamble de France. Et y estoit Jehan de Gleremont et Ernoul d'Odenehem, tous deux mareschaulz de France, et le conte de Salbruche.

Les Englois avoient fait deux ailles de leurs archiers sur les costez de leur bataille, et estoient embatailhez en un grant champ de vignes, clos de haies, où il avoit pluseurs brèches. Le roy Jehan avoit bien xii mil hommes d'armes, mais pou avoit d'autres combatans, comme archiers et arbalestiers , et pour ce trairent les archiers d'Engleterre plus seurement, quant vint au combatre. Le roy Jehan ordonna pluseurs batailles et bailla la première bataille aux mareschaux, lesquelz se hasterent tant d'aler assembler, que la bataille du roy estoit encores durement loings, et passèrent les mareschaulx la haie et alerent courre seure aux Englois dedens le clos, où eulz estoient en bataille. Et tantost