Guichart d'Engle, Therris de Bar

furent desconfiz et grant partie de leurs gens mors et pris. Là fut mort le mareschal de Gleremont et l'autre mareschal fut prins. Et assez tost après vint le duc de Normendie, qui avoit très grosse bataille de gens d'armes, et vindrent assembler aux brèches de la haie* et ressortirent un pou les Englois, et y ot des gens du duc qui passèrent tout 2 oultre la haie, mais les archiers des Anglois prindrent si espessement à traire, que la bataille du duc commança à ressortir, et lors passèrent les Englois sur les François. Là furent grant foison de ceulz de la bataille du duc mors et prins et pluseurs s'en alerent, et une partie se recueilli à l'ost du roy, qui or à primes venoit. La bataille du duc d'Orléans s'en alerent et ceulz qui demourerent s'assemblèrent à l'ost du roy. Les Englois se remistrent ensembles et recouvrèrent un petit leurs alaines, et le roy et ses gens vindrent grant erre et de loing, qui moût les greva. Lors vint le roy et sa bataille assembler, et y eut grant bataille et dure, et y ot pluseurs Englois qui tournèrent pour fuir, mais François s'entassèrent si pour le grant trait des archiers, qui sur leurs testes leur venoit, que grant foison ne povoient combatre et chairent les uns sur les autres. Lors se prindrent François à desconfire. Là fut prins le roy Jehan et Phelippe son filz. Jaques de Bourbon, Jehan d'Artois et Charles son frère, le conte de Dampmartin, Henry de Bar, Henry de Salebruche et pluseurs autres nobles seigneurs. Et là fut mort le duc de Bourbon, le duc d'Ataines, Gieuffroy de Charny, le sire de Lendas,