tout manque B

le sire de Pons, Guichart de Beaugieu, Jehan de Chasteauvillain, Mouton de Chambeli. Et le duc Charles en fut mené de ses chevaliers, le duc d'Anjou et le duc de Touraine. Et ne fut point la mortalité de cette bataille si grande comme la desconfiture, et toutesvoies il y eut bien mors viii cens hommes d'armes François et fut celle bataille en l'an mil CGC LVI ^ ,

Après fut le roy Jehan et Phelippe son filz et les autres prisonniers menez à Bordeaux , et Charles, le

1. Le récit de la bataille de Poitiers dans le ms. 5610 est assez différent pour que nous jugions utile de le donner ici : Ainchois que li battaille assamblaist, fu pris li contes d'Auchoire et Raoul de Gouchy, ainsy comme il chevauchoient pour esmer l'ost desEngles. A l'assambler de le grant battaille y avoit ii ellez d'archiers d'Engleterre, qui s'estoient targiet de haiez de bos et de vignes, et prirent si fort à traire , que il ochirent pluiseurs cbevaux , et chil qui sus estoient moroient au queir en le presse. Lors descendi li rois à piet et chil de se battaille. Et tantost apprés se prist li osts de Franche à desconfire et à fuir en pluiseurs parties. Meismes li dus d'Orliens, frères au roy Jehan, se parti à toute se battaille, li dus de Normendie, li dus d'Ango, li contes de Poittiers et leur battaillez. La première bataille des Franchois fu desconfitte par le trait des saiettes, et là fu ochis li dus d'Attainnez, connestable de Franche, Jehans de Cleremont, marischaulz de Franche, et là fu pris Ernoulz d'Audrehem et pluiseurs autres. Apprés celle desconfiture et fuite mervilleuse , assambla li prinche de Galles ses gens d'armes contre le battaille du Roy. Là fu ochis li dus Pierres de Bourbon, Jehans de Landas, Guichars de Biaugu, Jehans de Ghastiauvillain, Gieffroy de Chargny, Wittasses de Ribemont, Grismouton de Chambeli, Bernars deMoreul, Guillaume de Nelle et pluiseurs autres. En celle bataille fu pris li rois Jehans et Phelippes ses mainnez fieux, Jaques de Bourbon, Jehans d'Artois, li contes Danmartin, li contes de Sallebruisse, li contes de Jongny, Henris de Bar et grant plenté d'autres chevaliers. Ne fu point li ochision si grande comme le desconfiture fu mervilleuse, et fu nombrée li ochisions à wW^ hommes. Et fu le bataille ou mois de septembre, l'an mil ccc lvi.

duc de Normendie, ala à Paris et fut régent de France, et ala devers Charles de Behaingne, empereur de Romme, qui estoit son oncle, à Mez, et y ala pour avoir son conseil et aide et comment il pourroit délivrer^ son pere^.

Environ ce temps mist le duc de Lenclastre le siège devant Règnes en Bretaigne, lequel siège dura bien viii mois et plus, et estoit dedens Bertran de Saint Père, cappitaine de la ville, et y estoit Bertran du Claiquin et grant foison de nobles chevaliers et escuiers du pais^ de Bretaigne, qui très vaillanment la gardèrent et défendirent, et firent grant foison de saillies et escarmouches, là où il y ot vaillanment combatu et là où les Englois perdirent. Et toutesvoies s'en parti le duc de Lenclastre sans la prendre.

Et environ ce temps ot grant guerre en Bretaigne et en Normendie et mainte rencontre et mainte besongne. Car Phelippe de Navarre et ses aliez faisoient guerre, et prindrent les Navarrois la forteresse de Hambuie. Et lors vint demourer Nicole Painel, frère du sire de Hambui, et de ses plus prochains amis à la Rochetesson et guerrierent fort les Navarrois de Hambuie et de Gavray. Un jour avint que Nicole Paynel ala chevaucher vers Gavray à tout environ XL combatans et trouva de ceulz de Gavray et y en eut de prins. Et lors le cappitaine de Gavray en oy les novelles, et tantost monta à cheval et poursui le dit Nicole Painel et ses gens à tout bien iiii"'' combatans,