fut mys à manque A

soient guerre les forteresses du roy de Navarre. Environ ce temps prindrent Englois Harefleu, qui avoit esté commencié à fortifFier, et une autre place appellée Auvillers, et estoit cappitaine de Honnefleu Jehan de Coulongne et d'Auvillers Thomas Fout et du Neufbourc Thomas Gaon , et tenoient Englois Fontaines, Heudebourc et la Ferté, dont estoit cappitaine Jaques Standon, et tant que toute Normendie du Mont Saint Michel jusques à Eu estoit en guerre. Et prist Régnant de Braquemont Saint Valéry sur Somme par eschelement, lequel Régnant avoit bien'^ v cens combatans d'Englois et de Navarrois, et en demoura cappitaine un Englois, appelle Guillaume Boulemer. Assez tost après que Honnefleu fut prins, vint Loys de Harecourt, cappitaine de par le régent sur le pais, en sa compaignic Robert de Cleremont et Houdetot, niaistre des arbalestiers, à tout bien viii cens hommes d'armes et Yi cens gens de commune et arbalestiers. Et ala devant Honnefleu et l'assailli par deux foiz, mais il le failli à prendre, car il avoit dedens bien xif '^ hommes d'armes et v cens archiers. Et s'en parti et demoura Loys de Harecourt et le Baudrain de la Heuze sur le pais en la ville du Pontaudemer. Et avec le dit Loys de Harecourt' avoit bien trois cens combatans. Un jour se parti le dit Loys pour aler devers le régent, et laissa son heutenant le Baudrain de la Heuze. Un jour ala le dit Baudrain chevaucher pour porter dommaige aux Englois, et assez prés du Neufbourg'^ trouva bien LX combatans d'Englois et les desconfit. Et lors Tho-