du Buurc B

mas Gaon, cappitaine de Neufbourg, sailli hors pour ses gens secourre et y eut dure besoingne, mais il fut desconfît et pris, et le plus de ses gens mors et prins. Et trois jours après print le dit Baudrain la tour d'Aanieres par assaut, où il avoit bien cinquante Englois. Et l'endemain parti du Ponteaudemer pour aler en aucunes de ses affaires. Mais adont avoit bien cinquante combatans d'Alemans au Ponteaudemer et estoient aux gaiges soubz Loys de Harecourt. Geulz Alemans estoient du pais et de la congnoissance de Jehan de Coulongne, et par le porchaz d'un prisonnier appelle Hervy^ Scut, lequel un escuier appelle Jehan de Malleville avoit desconfit en champ et estoit son prisonnier, yceulz Alemans firent prendre de nuit la ville du Pontaudemer, et y ot bien xii" combatans de François que mors que prins et pluseurs gens de commune. Et apparut bien la fausseté et trahison d'iceulz Alemans, car ilz se tournèrent et demorerentavec Jehan de Coulongne et guerrierent le royaume. Environ ce temps fut prins le chastel de Greully et cellui de Fontenay par assaut sur les Englois, et furent tous ceulz de dedens mors et prins, et fut par les gens d'armes, qui lors estoient au régent de ses gaiges en la basse Normendie et autres du pais, qui n'estoient de riens aux gaiges, et moult vaillanment se portèrent ceulz du pais en cellui temps et depuis tousjours pour leur droit seigneur. Après la prinse de ces ii forteresses, fut délivré le fort de Saint- Vast par argent, que le pais en paia, et fut reconquesté^ le Griot et