Hococ B

[1358] DU XIV' SIÈCLE. ^m

par avant avoit trahy Jehan de Meudon. Car icellui Jehan de Meudon se fîoit autant en lui comme en homme du monde, et il le prist et fist prendre dedens le chastel d'Evreux, et sa femme et ses enfans et tous ses biens et le chastel aussi que le dit Meudon avoit en garde. Et fut de la part du roy de Navarre Sauvaige^ de Pommereux et pluseurs autres chevaliers du pais de Constantin. Et aussi prist le dit roy de Navarre l'aliance de pluseurs bourgois de bonnes villes, et fist à ses aliez porter chapperons semblables pour cognoissance.

En ce temps estoit Charles le régent à Meaulz , et assembla aucuns de ses chevaliers feables et se plaingnit à eulz^ des cruaultés, que on faisoità lui et à ses amis. Lors fut le régent conseillié que il mandast aux chevaliers de France et de Beauvoisin, qui avoient forteresses , que briefment ilz meissent des garnisons dedens grant planté pour mettre des gens d'armes dedens pour destraindre la ville de Paris, que vivres ne marchandise n'y peussent entrer pour la ville gouverner. Lors fut fait ce mandement à pluseurs chevaliers, et ceulz qui forteresses avoient s'assemblèrent ensemble pour savoir comment ilz pourroient acomplir le mandement du régent, car li pluseurs n'avoient mie pourvoiance pour les chasteaux garnir. Et eurent conseil que ceulz qui pourvoiance n'avoient en prenissent sur leurs hommes. Par ce conseil prindrent aucuns des biens de leurs hommes oultrageusement, tant que les paisans distrent que les chevaliers,