belles manque A

l'osoient, pour ce que il estoit receuz et avouez^ des souverains gouverneurs de la ville de Paris.

En celle saison fist le prevost des marchans et son conseil prendre le maistre des charpentiers- et le maistre des eaues, qui le régent avoient secrettement mis hors de Paris, et pour celle cause les jugèrent et furent menez en Grève pour justicier. Et avint que quant le bourreau eut saisie la doulouere pour eulz justicier, il chay devant le peuple de mauvaise et villaine maladie et ne se peut relever en grant pièce, et au relever ne se peut il excuser de la justice faire et les despeça chacun d'eulx ^ en iiii quartiers.

Après ala le roy de Navarre à Rouen et fist deppendre les corps du conte de Harecourt et du seigneur de Grain ville et des autres, que le roy Jehan a voit fait justicier, et les fist apporter en la place où ils furent decolez, et fist assembler les religieux de la ville de Rouen pour les armes recommander, et puis les fist sollempnelment enterrer en la grant église Notre Dame, à une chappelle que on nomme des Innocens, et puis fist assembler le commun de Rouen et prescha ainsi comme il avoit fait à Paris. Et en ce temps print il aliance de pluseurs chevahers de Picardie*, comme de ceulz de Pinquigny, du sire de Beaulo^, de Rifilart de Pollehai*^ et de pluseurs autres du pais, et d'aucuns Normans, comme du sire de Hotot^ de Garmille, qui

i. amenez 5610.