se femme

Héron de Mail, le Borgne de Chambeli* et pluseurs autres nobles hommes, et garnirent la forteresse du Marché de Meaulz grandement. Mais ceulz de Meaulz mandèrent secours au prevost des marchans, et le dit prevost y envoya xiiii" hommes d'armes du commun de Paris. Et ceulz de Meaulz alerent sur le pont pour assaillir la forteresse du Marchié, mais les nobles se défendirent bien et fut mort le Borgne de Chambeli. Et en ce point vint le conte de Fois à Meaulx, et tantost alerent courre seure aux Jaques ceulz qui par avant estoient en la ville et lui-, et furent les Jaques desconfîz et grant nombre mors et prins, et boutèrent le feu en la ville et la gasterent et coururent^'.

Quant le prevost des marchans sceut que le régent et ses nobles hommes s'efforçoient et faisoient grant assemblée, lors fist tant au commun de Paris, que ilz s'accordèrent que le roy de Navarre feust cappitaine de Paris. Et il y vint et amena grant foison d'Anglois et