B ajoute qui estoient

s'en revindrent à Paris sans assembler aux Englois. Dont le peuple de Paris prist à murmurer, et le prindrent pour trahiteur et ceulz de son conseil. Lors mandèrent autres^ bourgois de Paris au roy régent, que il lui pleust à venir en la ville de Paris et il y seroit receuz comme sires, mais il respondit et jura que jamais^ n'y enterroit^ jusques à tant que le prevost des marchans feust en vie, et fist escripre lettres au commun de Paris. Mais quant le messager entra en la ville, il fut mené droit au prevost des marchans, qui les lettres receut et les monstra secrettement à ceulz de son conseil, dont voulurent les autres bourgois savoir la teneur des lectres, mais il ne les voult monstrer, dont le peuple se doubta de trahison. Lors manda le prevost des marchans au roy de Navarre, que il assemblast ses gens et venist la nuit ensuivant à Paris, et on lui ouverroit* les portes, et ainsi pourroient occire touz leurs nuisans. Et le roy remanda que il seroit tout prest, à l'eure que on lui avoit mis. Lors manda les Englois à Saint Clout et assembla ses gens et parti en celle nuit pour aler à Paris, et le prevost des marchans et ses aliez avoient fait leur attrait, et ne voulurent que on veillast en celle nuit aux portes ne aux murs. Mais à Paris avoit un bourgois, nommé Jehan Maillart, qui estoit garde par le gré du commun d'un (juartier de la ville, qui estoit ordonnée par un cappitaines. Cil Jehan Maillart ne voult mie que cil, qui estoient ordonnez en son quartier pour veiller,