Monconseil A, B

[1358] DU xiv" SIÈCLE. 137

fut recommencée^ la guerre des Navarrois contre le royaume de France, l'an mil CGC lviii.

En ce temps partirent de Tournay v cens hommes de commun et alerent à siège devant le chastel de Maîconseil, là où estoient assemblez pluseurs chevaliers et pluseurs gens du commun , pour ce que Navarrois et Englois estoient dedens. Et là estoit cappitaine de l'ost des François Pierre de Flany, chevalier. Mais le roy de Navarre y envoya le Bascon de Mareil et bien V cens hommes d'armes, qui partirent de Greil et d'autres forteresses et assemblèrent à bataille contre les François devant Malconseil par une matinée. Là furent les- François soubzpris et desconfiz et furent ceulzde Tournay presque touz mors et prins et pluseurs autres. Environ icellui temps mist Charles le régent le siège devant le chaste! et ville de Meleun, que la roy ne Blanche, suer du roy de Navarre, tenoit et estoit dedens à tout grant foison d'Anglois et de Navarroiz, et y ot de grans saillies et escarmouches et tant '^

Adonc demouroient à Amiens la femme au viconte de Pois^ et la femme Jehan de Pinquigny, et furent prinses et emprisonnées par le commandement du régent, pour ce que leurs barons estoient ses ennemis. Lors mandèrent cil à Amiens, que on leur rendist leurs femmes. A ce s'accordoient le maires de la ville et pluseurs autres bourgois, qui estoient allez avec les