Fois A

138 CHRONIQUE NORMANDE fi 358]

Navarroiz, mais le commun le contredist pour obéir au régent. Dont firent tant ces ii chevaliers, que pluseurs de leurs hommes entrèrent en la ville secrettement et mesmes Jehan de Pinquigny, et furent esconssez en pluseurs lieux par le gré et consentement du maire de la ville et d'autres. Cil s'assemblèrent par nuit en armes secrettement et alerent tuer pluseurs de ceulz, qui estoient en^ la ville en la nouvelle forteresse, et tant firent que ilz ouvrirent une porte et les Navarrois y entrèrent et fourrèrent et occirent pluseurs gens. Adont leva le cry en la ville d'Amiens, et les gens se coururent armer par toute la ville d'Amiens, et moult furent esbahiz, car ilz voyoient bien que ilz estoient trahiz. Et pluseurs gens qui demouroient entre deux murs se mistrent à garant dedens la vielle forteresse. Et quant le peuple d'Amiens fut armez et assemblez, ilz vouloient que on alast courir sur les ennemis, mais le maire d'Amiens, qui conduire les devoit, detrioit la besongne. Dont se tindrent en la vielle forteresse pour trahiz, et laissierent leurs gens entre ii murs jusques à l'endemain, soleil levant, que le conte de Saint Pol vint en la ville et fist sonner la bancloche et la gent assembler pour aler~ combatre. Mais les Navarrois yssirent aux champs sanz bataille avoir. Lors fut prins le maire d'Amiens et mis à mort comme trahistres, etestoit nommé Fremin de Coquerel, et pluseurs bourgois de la ville furent devant et après justiciez pour leur trahison ; tieulz y eut, et tieulz y ot, qui s'en partirent et alerent^ avec les Navarrois. Lors