icellui B

délivré et bonne paix entre eulz. Et de la duchié de Bretaigne, dont discort estoit entre Charles de Blois et Jehan de Montfort, les ii roys ne se melleroient^, mais cellui qui la pourroit conquerre en demorroit en la foy et hommaige du roy de France. Et autres accors y eut, comme de la gouvernance des ostages, que ilz seroient tous en Engleterre, et de leur délivrance, et deut le sire de Clisson ravoir la terre qui fut son père et la reut. Toutes les terres furent livrées et délivrées franchement au roy Edouart, qui accordées lui furent, et alerent en ostaige Loys et Jehan, filz du roy Jehan, et Phelippe son frère, duc d'Orléans, le duc de Bourbon, le conte de Saint Pol, le conte du Perche, le conte de Harecourt, le conte Daulphin d'Auvergne et grant foison d'autres contes et grans banneres et bourgois de bonnes villes^.