qui à lui Bourgoingne manque B

pappe et devers les plus grans princes de chrestienté requerre secors et aide pour guerrier les Sarrasins et conquerre la Sainte terre de Jherusalem. Adonc prist le roy Jehan la croix de la main du pappe Urbain pour aler oultre mer, puis reppera en France et ala en Engleterre pour ordonner de ses ostages et pour ses convenances acomplir^. '

En cellui temps ot grant guerre sur les marches de Bretaigne, et pluseurs Englois et gens de compaigne, qui s'estoient retraiz sur ycelles marches après la paix, qui avoit esté accordée des ii roys, se commencèrent à espendre sur les marches de Normendie, du Perche, du Maine et d'Anjou. Et prindrent les diz Englois Saint Martin de Seez, Brisoles, Livarrot, l'abbaie de Siili , Rupiere à v lieues de Gaen , Roleboise , Quatremares et ^ le Fresne, Eschaufou et pluseurs autres forteresses et fortes places, et le plus d'icelles empererent et fortiffierent les diz Englois et gens de compaigne. En cellui temps sceut Bertran du Guesclin, qui estoit vers Pontorson et sur les marches de Bretaigne, là où il faisoit guerre aux Englois et à ceulz qui guerrioient sur le pais pour Jehan de Montfort, que une grant route d'Englois estoient logiez sur le pais de Normendie en une grant ville desclose, nommée Briouse^. Et de bien loing où il sceut ces nouvelles se parti et chevaucha à tout bien if combatans grant chemin et si grant erre, que pluseurs de ses gens ne porent parvenir avecques lui à l'eure que il vint sur les Englois, et vint si soudainement que les Englois ne seurent

l. Le ms. 5610 oraet tout ce qui suit jusqu'à la 'lUurt du roi Jean.

"2. 0 le Fresnft A, B.