Brieuse B

158 CHRONIQUK NORMANDE [1361]

nulles nouvelles jusques à ce que il leur courut seure en leurs logis. Là furent ces Englois desconfiz et furent mors et prins plus de viii'^'' combatans. Là fut prins Iloppequin Dierre, leur cappitaine.

De là se parti le dit Bertran du Guesclin et ala devant Brisoles en la compaignie de Moreau de Tiennes, connestable de France, et de pluseurs sengneurs de* Normendie et de France, qui estoient assemblez vers Tilleres pour destraindre les Gascons et Englois, qui dedens Brisoles estoient. Lesquelz Englois et Gascoins se partirent de Brisoles sanz combatre et sanz attendre l'assaut, par traitié que ilz s'en peussent sauvement aler.

En cellui temps tenoient Englois Sablé et le Plessie Buret, et fut Sablé recouvré par siège par le sire de Graon, le sire de Laval, le sire de Berlran, et pluseurs autres forteresses sur le pais, et d'assaut y en eut prinses, là où Englois furent mors et prins. Et eut environ ce temps pluseurs rencontres et besongnes, qui se firent sur icelles contrées et vers la conté d'Alençon.

Environ ce temps Guillaume de Graon et Bertran du Guesclin chevauçoient- à tout bien xiiii" combatans, et tant que ilz vindrent au Pont de Jugny et là trouvèrent Hue de Gauveley, à tout bien autant ou plus d'Anglois que ilz n'estoient de François. Et descendirent à pié l'une partie et l'autre et vindrent combatre les uns aux autres moult durement. Et au premier perdirent les Englois tenv, mais les archiers Hue