le dit manque B

de Mortaing, et moût appertement lui et ses gens leur coururent seure, et pou tindrent les diz Englois et Gascons et s'enfouirent les premiers les Englois, et furent bien iiii cens Englois et Gascons^ mors et prins et plus. Un jour alerent chevauchier bien c combatans d'Englois,qui demouroientà Quinquernon etàRomeilli, et lors le Galois d'Aussi et pluseurs autres alerent contre les diz Englois et les trouvèrent à ...~, et là eut grant besoingne et dure, et furent les Englois presque tous mors et prins.

Environ ce temps mist Charles de Blois et Bertran du Guesclin le siège devant Becherel à tout bien ii°^ combatans. Et Jehan de Montfort et Robert CanoUe, le sire de Glicon et Hue de Gaverley, à tout bien M hommes d'armes et xiiii^ archiers Englois, vindrent pour lever le siège. Et firent tant que iiz vindrent prendre le hault d'une montaigne devant l'ost des François et si prés que on povoit plainement traire de l'un bout à l'autre. Mais la venue estoit estroite entre les II ostz et en grant desaventaige pour cellui des Il ostz qui eust voulu courre seure à l'autre. Et furent ainsi pluseurs jours les uns devant les autres, et tousjours armez aussi comme pour combatre , et pluseurs grans saillies et escarmouches furent entre les ii ostz, tant que ilz furent l'un devant l'autre. Et furent les François moût destrains de vivres, car la ville, où il avoit de bonnes gens de guerre, leur estoit d'un costé et l'ost des Englois leur estoit de l'autre sur le chemin devers^ Binant, dont le plus de vivres venoit à l'ost des