furent A

164 CHROxNIQUE NORMANDE [1 363J

Et depuis ne vescut gueres longuement et morit en son lit de maladie', et fut grant dommaige, car il estoit moult honnorable chevalier.

Environ ce temps parti ^ Hoppequin^ Diere de l'abbaie de Silli, que lui et Jaque Platin avoient emperée, et ala piller et rober l'abbaie de Saint Pierre sur Dive, et avoit en sa compaignie de L à lx combatans. Et en son retour le sire de Coucy, Jehan Martel et Guillaume de Rouveron^ le vindrent encontrer à environ autant de gent comme il avoit, et descendirent à pié l'une partie et l'autre et combatirent moult durement, et ne s'en falut^ que un ou que v que les Englois ne feussent tous mors et prins en la place, et y morut Hoppequin Diere. Et mainte^ autre besoingne ot en celle saison en pluseurs lieux du royaume de France, et le plus où les Englois perdirent et pou en gaingnerent.

Environ ce temps prist Bertran du Guesclin l'abbaie de Cormeilles par siège et par traitié que les Englois qui la tenoient firent d'eulz en aler sauvement. Et desconfit le dit Bertran Jehan Jouel et pluseurs Englois de sa compaignie au pas du Brueil, à ii lieues de Lisieux, et assez tost après vint assegier la forteresse du Ghesnoy prés d'Argenten et se rendirent ceulz de dedens à lui.

Et environ ce temps vint un chevalier englois, nommé Regnaut de Rigni, et pluseurs Englois en sa

\. mourut de maladie B.