d'Autorre B

autres gens d'armes de pluseurs contrées du royaume de France. Et avec le castal estoit toute la fleur des gens de guerre^ Gascoins, Navarrois et Englois, qui furent sur les marches de Normendie, du Perche et du Maine, faisans guerre au royaume de France.

Un jour avint que Bertran du Guesclin parti pour aler contre le castal et loga la nuit à la Croix Saint Lieffroy. L'endemain, emprés le pas de Gocherel, apparceurent les gens du dit Bertran le castal et ses gens de l'autre part de la rivière d'Euze en la compaignie. Et lors Bertran passa la rivière et descend! à pié ou milieu "^ de la valée en moult beau champ et o nuy (sic), et le castal vint descendre à pié selon le boys ou hault de la montaigne vers Evreux, et là se tint lui et ses gens. Bertran ne fut pas conseillié de l'aler combatre en la place où il estoit. Ainsi demourerent les II ostz l'un devant l'autre deux jours et ii nuiz. Et au tiers jour, environ prime, Bertran et toutes ses gens partirent en belle ordonnance et tous en bataille pour passer le pas de la rivière, qui derrière estoit, et lui et ses gens estoient à grant meschief de vivres, ne le castal n'estoit pas en place où il le peust combatre sanz grant desaventaige. Et quant le castal et ses gens virent ainsi partir Bertran et sa compaignie, ilz montèrent à cheval prestement et dévalèrent^ la montaigne et mistrent environ C coureurs devant, qui s'avancierent pour deloier* de passer le pas à Bertran du Guesclin et à ses gens. Et lors l'arriére garde dudit